മുംബൈ: മഹാവികാസ് അഘാഡിയുടെ പതനം അവിശ്വസനീയമെന്ന് ചെന്നിത്തല. മഹാരാഷ്‌ട്രയിലെ ജനവിധിയില്‍ പൊരുത്തകേടുകള്‍ ഉണ്ടെന്നും ഫലം അംഗീകരിക്കാൻ സാധിക്കില്ലെന്നും രമേശ് ചെന്നിത്തല പറഞ്ഞു.
മഹായുതിയും മഹാവികാസ് അഘാഡിയും തമ്മില്‍ ഇഞ്ചോടിഞ്ച് പോരാട്ടമാണ് എക്‌സിറ്റ് പോള്‍ ഫലങ്ങള്‍ പ്രവചിച്ചിരുന്നത്. അങ്ങനെയുള്ള സാഹചര്യത്തില്‍ ഈ ഫലം എങ്ങനെ വിശ്വസിക്കാനാകും? തൊഴിലില്ലായ്മ, പണപ്പെരുപ്പം, അഴിമതി തുടങ്ങി നിരവധി പ്രശ്നങ്ങളുണ്ടായിരുന്നു.
ഈ പ്രശ്‌നങ്ങളെല്ലാം ലാഡ്ലി ബെഹ്ന യോജനയില്‍ അവസാനിച്ചുവെന്നാണോ പറയുന്നത്? ലോക്‌സഭാ തെരഞ്ഞെടുപ്പില്‍ മഹാരാഷ്‌ട്രയിലെ പൊതുജനങ്ങള്‍ മഹാവികാസ് അഘാഡിക്ക് അനുകൂലമായാണ് വോട്ട് രേഖപ്പെടുത്തിയിരുന്നത്.
എന്നാല്‍ മഹാരാഷ്‌ട്ര നിയമസഭാ തെരഞ്ഞെടുപ്പ് ഫലം നോക്കിയാല്‍ മഹാവികാസ് അഘാഡിയുടെ വമ്പൻ നേതാക്കള്‍ വരെ പരാജയപ്പെട്ടുവെന്ന് കാണാം. ഇത്തരത്തിലുള്ള തെരഞ്ഞെടുപ്പ് ഫലം മഹാരാഷ്‌ട്രയിലെ പൊതുജനങ്ങള്‍ അംഗീകരിക്കില്ല" - രമേശ് ചെന്നിത്തല പറഞ്ഞു.
മഹാരാഷ്‌ട്രയുടെ കോണ്‍ഗ്രസ് ഇൻ-ചാർജ് ആയിരുന്നു രമേശ് ചെന്നിത്തല. ചുമതലയുടെ ഭാഗമായി കഴിഞ്ഞ ഏതാനും നാളുകള്‍ അദ്ദേഹം മഹാരാഷ്‌ട്രയില്‍ ക്യാമ്പ് ചെയ്ത് തെരഞ്ഞെടുപ്പിന് നേതൃത്വം നല്‍കുകയായിരുന്നു. അപ്രതീക്ഷിത തിരിച്ചടി അംഗീകരിക്കാൻ കഴിയാതെ വന്നതോടെ ഫലം വിശ്വസനീയമല്ലെന്ന നിലപാടില്‍ ഉറച്ചുനില്‍ക്കുകയാണ് ചെന്നിത്തല.
230 സീറ്റുകളിലും ബിജെപി നേതൃത്വം നല്‍കുന്ന മഹായുതി സഖ്യം മുന്നേറി. ഈ സാഹചര്യത്തിലാണ് കോണ്‍ഗ്രസ് നേതാവിന്റെ പ്രതികരണം.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.