ലോക്കല്‍ സമ്മേളനത്തില്‍ അവഹേളിച്ചു: സിപിഎം വൈപ്പിൻ ഏരിയാ കമ്മിറ്റിയംഗം പാ‍ര്‍ട്ടിവിട്ടു,

കൊച്ചി: സി.പി. എം വൈപ്പിൻ ഏരിയ കമ്മിറ്റിയംഗവും കെഎസ്കെടിയു ഏരിയ വൈസ് പ്രസിഡന്റ്റുമായ എൻ. സി മോഹനൻ സ്ഥാനങ്ങള്‍ രാജിവെച്ചു.

ഓച്ചന്തുരുത്ത് സർവീസ് സഹകരണ ബാങ്ക്‌ തെരഞ്ഞെടുപ്പ് പരാജയത്തെ തുടർന്ന് ലോക്കല്‍ സെക്രെട്ടറിക്കെതിരെ നിലപാടെടുത്തതിന് പ്രതികാരമായി ലോക്കല്‍ സമ്മേളനത്തില്‍ തന്നെ അവഹേളിച്ചു എന്ന് മോഹനനൻ ആരോപിച്ചു.

39 കൊല്ലമായുള്ള പാർട്ടി പ്രവർത്തനം അവസാനിപ്പിക്കുകയാണെന്നും എന്നാല്‍ കമ്മ്യൂണിസ്റ്റുകാരനായി ജീവിക്കുമെന്നും മോഹനൻ പറഞ്ഞു. കഴിഞ്ഞ ദിവസം നടന്ന സമ്മേളനത്തില്‍ മോഹനനെ ലോക്കല്‍ കമ്മിറ്റിയില്‍ നിന്നും ഒഴിവാക്കിയിരുന്നു.