പമ്പ: മണ്ഡലമകരവിളക്ക് മഹോത്സവ കാലത്ത് പതിനാറായിരത്തോളം ഭക്തജനങ്ങള്ക്ക് ഒരേ സമയം വിരി വയ്ക്കാനുള്ള വിപുലമായ സൗകര്യം സജ്ജീകരിച്ചെന്ന് തിരുവിതാംകൂര് ദേവസ്വം ബോര്ഡ്. നിലയ്ക്കലില് ടാറ്റയുടെ അഞ്ച് വിരി ഷെഡിലായി 5000 പേര്ക്ക് വിരി വയ്ക്കാനാകും. മഹാദേവക്ഷേത്രത്തിന്റെ നടപന്തലില് ആയിരം പേര്ക്കാണ് വിരിവയ്ക്കാനുള്ള സൗകര്യം.
നിലയ്ക്കല് കെഎസ്ആര്ടിസി ബസ് സ്റ്റാന്ഡ് സമീപം 3000 പേര്ക്ക് കൂടി വിരിവയ്ക്കുവാന് ഉള്ള ജര്മന് പന്തല് ഒരുക്കി.ഇതോടൊപ്പം പമ്പയില് പുതുതായി നാലു നടപ്പന്തലുകള് കൂടി ക്രമീകരിക്കുന്നതോടെ 4000 പേര്ക്ക് വരിനില്ക്കാനുള്ള സൗകര്യം ലഭിക്കും. രാമമൂര്ത്തി മണ്ഡപത്തിന് പകരം 3000 പേര്ക്ക് കൂടി വിരിവയ്ക്കാനാകുന്ന താല്ക്കാലിക സംവിധാനം ഒരുക്കുന്നത് ഭക്തജനങ്ങള്ക്ക് സുഗമമായി വിരിവയ്ക്കല് പൂര്ത്തിയാക്കാന് സഹായിക്കുമെന്നും ദേവസ്വം ബോര്ഡ് അറിയിച്ചു.
ശബരിമല മണ്ഡല മകരവിളക്ക് കാലത്ത് ഭക്തര്ക്ക് വിശ്രമിക്കുന്നതിനും കുടിവെള്ളത്തിനും വിപുലമായ സൗകര്യങ്ങളാണ് ഒരുക്കിയിട്ടുള്ളതെന്ന് ദേവസ്വം ബോര്ഡ് അറിയിച്ചു. വരി നില്ക്കുന്ന ഭക്തര്ക്ക് ബാരിക്കേഡുകള്ക്കിടയിലെ പൈപ്പ് വഴി ചൂടുവെള്ളം എത്തിക്കും. വരി നില്ക്കുന്നവര്ക്ക് കിയോസ്കുകള് വഴി ചൂടുവെള്ളം നല്കാനും ദേവസ്വം ബോര്ഡ് തീരുമാനിച്ചിട്ടുണ്ട്.ശരംകുത്തി മുതല് വലിയ നടപന്തല് വരെ ചൂടുവെള്ള ലഭ്യത ഉറപ്പാക്കും.
.jpg)
2000 സ്റ്റീല് കുപ്പികളില് ചുക്കു വെള്ളം നിറച്ച് മലകയറുന്ന ഭക്തര്ക്ക് നല്കും. മലയിറങ്ങുമ്പോള് ബോട്ടില് മടക്കി നല്കണം.സന്നിധാനം മുതല് ശരംകുത്തി വരെ 60 ഓളം ചുക്ക് വെള്ള കൗണ്ടറുകളും സജ്ജീകരിക്കും. മണിക്കൂറില് 4000 ലിറ്റര് സംഭരണശേഷിയുള്ള ശരം കുത്തിയിലെ ബോയിലറിന്റെ ശേഷി പതിനായിരം ലിറ്റര് ആക്കി വര്ദ്ധിപ്പിച്ചു. മരക്കൂട്ടം മുതല് ആയിരം പേര്ക്ക് വിശ്രമിക്കാന് ആവശ്യമായ ഇരിപ്പിടങ്ങളാണ് ദേവസ്വം ബോര്ഡ് ഒരുക്കിയിരിക്കുന്നത്. പമ്പയില് വനിതകള്ക്കായി പ്രത്യേക വിശ്രമ കേന്ദ്രമുണ്ടാവും. വനിത ഫെസിലിറ്റേഷന് സെന്ററില് 50 പേര്ക്ക് കൂടി സൗകര്യം ഒരുക്കും.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.