അതിർത്തികടന്നുള്ള ഗതാഗത വ്യാപാര ബന്ധം സുഗമമാക്കുന്ന തീരുമാനങ്ങളുമായി അസാമിൽ ഇന്ത്യ-ഭൂട്ടാൻ ഇൻ്റഗ്രേറ്റഡ് ചെക്ക് പോസ്റ്റ്

ആസാം; ഇന്ത്യ-ഭൂട്ടാൻ അതിർത്തിയിലുള്ള ആദ്യത്തെ ഇൻ്റഗ്രേറ്റഡ് ചെക്ക് പോസ്റ്റ് (ഐസിപി) വ്യാഴാഴ്ച അസമിലെ ദരംഗയിൽ ഉദ്ഘാടനം ചെയ്തു, ഇത് യാത്രക്കാർക്ക് തടസ്സങ്ങളില്ലാതെ അതിർത്തി കടന്നുള്ള സഞ്ചാരം സുഗമമാക്കുന്നതിനും വ്യാപാരം സുഗമമാക്കുന്നതിനും ഉപകാരപ്പെടുമെന്ന് പ്രതീക്ഷിക്കുന്നതായി സർക്കാർ പ്രത്യാശ പ്രകടിപ്പിച്ചു.

അതിർത്തി മാനേജ്മെൻ്റ് സംവിധാനം ശക്തിപ്പെടുത്തുന്നതിനും അതിർത്തി കടന്നുള്ള കണക്റ്റിവിറ്റി വർദ്ധിപ്പിക്കുന്നതിനുമായി ഇന്ത്യ-ഭൂട്ടാൻ അതിർത്തിയിൽ ആസൂത്രണം ചെയ്തിരിക്കുന്ന ഇത്തരം ആറ് സ്റ്റേഷനുകളിൽ ആദ്യത്തേതാണ് ഇതെന്നും സർക്കാർ വൃത്തങ്ങൾ അറിയിച്ചു. ഇന്ത്യയ്ക്കും ഭൂട്ടാനുമായുള്ള മൂന്നാം രാജ്യ സഞ്ചാരികളുടെ സഞ്ചാരത്തിനും ഇത് സഹായകമാകുമെന്നും സർക്കാർ കൂട്ടിച്ചേർത്തു.

ഇരു രാജ്യങ്ങളും തമ്മിലുള്ള സൗഹൃദം കെട്ടിപ്പടുക്കണമെന്നും അതിനായി ജനങ്ങൾ തമ്മിലുള്ള ബന്ധം സുപ്രധാനമാണെന്നും ഐസിപി അതിൽ പ്രധാന പങ്കുവഹിക്കുമെന്നും ഉദ്ഘാടന ചടങ്ങിൽ സംസാരിച്ച ഭൂട്ടാൻ പ്രധാനമന്ത്രി ദാഷോ ഷെറിംഗ് ടോബ്ഗേ പറഞ്ഞു. ഐസിപി ഇരു രാജ്യങ്ങളും തമ്മിലുള്ള വ്യാപാരം ത്വരിതപ്പെടുത്തുമെന്ന് പ്രസ്താവിച്ചുകൊണ്ട്, ടോബ്ഗേ ഇന്ത്യൻ നിക്ഷേപകരെ സ്വതന്ത്രവും സഹകരണപരവുമായ സംരംഭങ്ങൾക്കായി തൻ്റെ രാജ്യത്തേക്ക് ക്ഷണിക്കുകയും ചെയ്തു,

പ്രത്യേകിച്ച് രാജ്യത്തിൻ്റെ കിഴക്കൻ ഭാഗത്ത്. “ഇരു രാജ്യങ്ങളും ഈ സൗകര്യം പരമാവധി പ്രയോജനപ്പെടുത്തുകയും ഒരുമിച്ച് അഭിവൃദ്ധി പ്രാപിക്കുകയും വേണമെന്നും അദ്ദേഹം കൂട്ടിച്ചേർത്തു.നമ്മൾ ഒരുമിച്ച് അഭിവൃദ്ധി പ്രാപിച്ചാൽ സൗഹൃദം കൂടുതൽ ശക്തമാകുമെന്നും, ”അദ്ദേഹം പറഞ്ഞു, ഭൂട്ടാനും ബംഗ്ലാദേശിനും ഇടയിൽ അസമിലൂടെ ഒരു ട്രാൻസിറ്റ് കോറിഡോർ സ്ഥാപിക്കുകയും ചെയ്തതായി സർക്കാർ വൃത്തങ്ങൾ അറിയിച്ചു