സമയക്രമത്തെ ചൊല്ലി തർക്കം: സ്വകാര്യ ബസ്സ് ഡ്രൈവർക്ക് നടുറോഡിൽ മർദനം

കൊച്ചി: തൃപ്പൂണിത്തുറയിൽ ബസുകളുടെ സമയക്രമത്തെ ചൊല്ലി സ്വകാര്യ ബസ് ജീവനക്കാർ തമ്മിൽ ഏറ്റുമുട്ടി.

ഓടിക്കൊണ്ടിരുന്ന ബസിൽ നിന്ന് പിടിച്ചിറക്കി ഡ്രൈവറെ ക്രൂരമായി മർദിച്ചു. എറണാകുളത്തുനിന്ന് വൈക്കത്തേക്ക് പോകുന്ന സ്വകാര്യ ബസിലെ ജീവനക്കാരനെയാണ് മറ്റൊരു ബസിലെ ജീവനക്കാർ സംഘം ചേർന്ന് മർദിച്ചത്.

യാത്രക്കാരും റോഡിൽ കൂടിയവരും ബഹളം വച്ചാണ് അക്രമികൾ പിൻവാങ്ങിയത്. സ്ഥലത്ത് തൃപ്പൂണിത്തുറ പോലീസെത്തി നടപടി സ്വീകരിച്ചു. കഴിഞ്ഞ ദിവസം മത്സരയോട്ടത്തെ തുടർന്ന് ബസുകൾ കൂട്ടിയിടിച്ചിരുന്നു