ഉത്തർപ്രദേശ്:ഉത്തർപ്രദേശിൽ എംബിബിഎസ് വിദ്യാർത്ഥിയെ കോളേജ് ക്യാമ്പസിനുള്ളിൽ മരിച്ച നിലയിൽ കണ്ടെത്തി.
രണ്ടാം വർഷ വിദ്യാർത്ഥിയായ കുശാഗ്ര പ്രതാപ് സിങ്ങിനെയാണ് ദുരൂഹ സാഹചര്യത്തിൽ മരിച്ച നിലയിൽ കണ്ടെത്തിയത്. ഷാജഹാൻപൂരിലെ ഒരു പ്രൈവറ്റ് മെഡിക്കൽ കോളേജിലാണ് സംഭവം. കുശാഗ്രയെ ക്യാമ്പസിനുള്ളിലെ ഹോസ്റ്റലിൻ്റെ പിന്നിലാണ് മരിച്ച നിലയിൽ കണ്ടെത്തിയത്. രക്തത്തിൽ കുളിച്ചുകിടന്ന നിലയിലാണ് മൃതദേശം കണ്ടെത്തിയത്.
ഇയാൾ സ്വയം കെട്ടിടത്തിൽ നിന്നും ചാടി മരിച്ചതാണോ അതോ ആരെങ്കിലും പിന്നിൽ നിന്നും തള്ളിയിട്ടതാണോ എന്നത് കേന്ദ്രീകരിച്ചാണ് പൊലീസ് അന്വേഷണം നടക്കുന്നത്. കുശാഗ്ര താമസിച്ചിരുന്ന മുറി പൊലീസ് സീൽ ചെയ്തു. അന്വേഷണത്തിൻ്റെ ഭാഗമായി ഹോസ്റ്റലിലുള്ള ചില വിദ്യാർത്ഥികളെ പൊലീസ് ചോദ്യം ചെയ്തിട്ടുണ്ട്.
ഹോസ്റ്റലിലെ സിസിടിവി വിഡിയോകളും പൊലീസ് പരിശോധിക്കുന്നുണ്ട്. വിദ്യാർത്ഥിയുടെ മൃതദേഹം പോസ്റ്റ്മാർട്ടത്തിനായി കൊണ്ടുപോയി. നടപടിക്രമങ്ങൾ പൂർത്തിയാക്കിയ ശേഷം മൃതദേഹം ബന്ധുക്കൾക്ക് വിട്ടുനൽകും.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.