നവ കേരളം ക്യാംപയിൻ രണ്ടിൻ്റെ പഞ്ചായത്ത് തല ഉത്ഘാടനം: ബെയിലിംഗ് മെഷീൻ നാടിന് സമർപ്പിച്ചു,

പാലാ: കടനാട് ഗ്രാമപഞ്ചായത്തിലെ മാലിന്യമുക്ത നവ കേരളം ക്യാംപയിൻ രണ്ടിൻ്റെ പഞ്ചായത്ത് തല ഉത്ഘാടനം  ഗാന്ധിജയന്തി ദിനമായ ഇന്ന് കൊല്ലപള്ളി ടൗൺ മാർക്കറ്റിൽ ബെയിലിംഗ് മെഷീൻ നാടിന് സമർപ്പിച്ച് പഞ്ചായത്ത് പ്രസിഡൻ്റ് ശ്രീമതി ജിജി തമ്പി ഉത്ഘാടനം ചെയ്തു.

വൈസ് പ്രസിഡൻ്റ് ശ്രീ :സോമൻ വി ജി അധ്യക്ഷത വഹിച്ചു. വാർഡ് മെമ്പർമാർ,പഞ്ചായത്ത് സെക്രട്ടറി, ഹരിത കേരളം മിഷൻ കോഓർഡിനേറ്റർ,കുടുംബശ്രീ അംഗങ്ങൾ, ഹരിത കർമ്മസേന അംഗങ്ങൾ, ആശ പ്രവർത്തകർ പൊതു ജനങ്ങൾ മുതലായവർ പങ്കെടുത്തു. 

ളാലം ബ്ലോക്ക് പഞ്ചായത്തിലെ ആദ്യത്തെ ബെയിലിംഗ് മെഷീൻ ആണിത്.5.5 ലക്ഷത്തോളം രൂപയാണ് പദ്ധതിക്കായി ചിലവഴിച്ചത്.

2025 മാർച്ച് 30 സീറോ വേസ്റ്റ് ദിനത്തിൽ കടനാട് പഞ്ചായത്തിനെ മാലിന്യമുക്തമായി പ്രഖ്യാപിക്കുന്നതിനായി എല്ലാ പൊതുജനങ്ങളുടെയും ,ഉദ്യോഗസ്ഥരുടെയും പഞ്ചായത്ത് പ്രസിഡൻ്റ് അഭ്യർത്ഥിച്ചു.