കൊച്ചി: മുതിര്ന്ന സിപിഎം നേതാവ് എം.എം.ലോറന്സിന്റെ മൃതദേഹം എന്തു ചെയ്യണമെന്ന കാര്യത്തില് ഹൈക്കോടതി 23ന് വിധി പറയും. നിലവില് കളമശേരി മെഡിക്കല് കോളജ് മോര്ച്ചറിയിലുള്ള മൃതദേഹം അതുവരെ അവിടെ സൂക്ഷിക്കും.
മൃതദേഹം വൈദ്യപഠനത്തിനു വിട്ടുനല്കാനുള്ള തീരുമാനത്തിനെതിരെ മകള് ആശ ലോറന്സ് നല്കിയ ഹര്ജി പരിഗണിച്ച ഹൈക്കോടതിയാണ് വിധി ഈ മാസം 23ന് പറയുമെന്ന് വ്യക്തമാക്കിയത്.
ലോറന്സിന്റെ മൃതദേഹം മതാചാരപ്രകാരം സംസ്കരിക്കാന് വിട്ടുകിട്ടണം എന്നാവശ്യപ്പെട്ടാണ് ആശ കോടതിയെ സമീപിച്ചത്. മകന് എം.എല്.സജീവനും മറ്റൊരു മകളായ സുജാതയും മൃതദേഹം വൈദ്യപഠനത്തിനു വിട്ടുനല്കാന് തീരുമാനിച്ചതിന് എതിരെ ആയിരുന്നു ഇത്.
.jpg)
ഇക്കാര്യത്തില് കളമശേരി മെഡിക്കല് കോളജിനോട് ഹിയറിംഗ് നടത്തി തീരുമാനം അറിയിക്കാന് ജസ്റ്റീസ് വി.ജി.അരുണ് നിര്ദേശിച്ചു. എന്നാല് ശരിയായ രീതിയില് അല്ല ഹിയറിംഗ് നടത്തിയത് എന്നു ചൂണ്ടിക്കാട്ടി ആശ വീണ്ടും കോടതിയെ സമീപിക്കുകയായിരുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.