അമിത വേഗതയില്‍ പാഞ്ഞെത്തിയ ബസും കാറും പരസ്പരം കൂട്ടിയിടിച്ച് കാര്‍ ഡ്രൈവര്‍ മരിച്ചു

തൃശ്ശൂര്‍: കരുവന്നൂരില്‍ കാറും ബസും കൂട്ടിയിടിച്ചുണ്ടായ അപകടത്തിന്റെ ഞെട്ടിക്കുന്ന സിസിടിവി ദൃശ്യങ്ങള്‍ പുറത്തുവന്നു. അപകടത്തില്‍പ്പെട്ട ഇരുവാഹനങ്ങളും സംഭവസമയം മറ്റ് വാഹനങ്ങളെ മറികടക്കാന്‍ ശ്രമിക്കുകയായിരുന്നുവെന്നാണ് ദൃശ്യങ്ങളില്‍ വ്യക്തമാകുന്നത്.

അമിത വേഗതയില്‍ പാഞ്ഞെത്തിയ ബസും കാറും പരസ്പരം കൂട്ടിയിടിക്കുകയായിരുന്നു. വലത്തോട്ട് ഇന്‍ഡികേറ്റര്‍ ഇട്ട് തിരിക്കാന്‍ ശ്രമിച്ച വാഹനത്തെ മറികടന്നായിരുന്നു കാര്‍ പാഞ്ഞെത്തിയത്. ഓട്ടോറിക്ഷയെ അപകടകരമായ രീതിയില്‍ മറികടന്നായിരുന്നു ബസ് കുതിച്ചെത്തിയത്.

ഇടിച്ചശേഷം കാറിനെ തള്ളിക്കൊണ്ട് അല്‍പദൂരം മുന്നോട്ടുപോയാണ്‌ ബസ് നിന്നത്. അപകടത്തില്‍ കാര്‍ ഡ്രൈവര്‍ നിജോ മരിച്ചിരുന്നു.