ഓസ്കർ ഒന്നും ലഭിച്ചില്ലല്ലോ; ഇത്രയും അഹന്ത പാടില്ല, മറ്റുള്ളവരെ ബഹുമാനിക്കാൻ പഠിക്കണം ; നടി ഗൗതമി

കൊച്ചി: മാധ്യമപ്രവർത്തകരുടെ ചില അഭിനേതാക്കൾ പരിഹസിക്കുന്നതിനെ വിമർശിച്ച് നടി ഗൗതമി നായർ.

പ്രതികരണം ഉണ്ടാകുമെന്ന പ്രതീക്ഷയിൽ മാധ്യമങ്ങൾക്ക് ജോലി ലഭിക്കാത്തതിനാൽ ഇത്രയും അഹന്തയോടെ പെരുമാറാൻ ആർക്കും ഓസ്‌കാർ ലഭിച്ചിട്ടില്ലെന്നും ഗൗതമി സമൂഹമാധ്യമ പോസ്റ്റിൽ പറയുന്നു. 'മാധ്യമപ്രവർത്തകരുടെ ചോദ്യങ്ങളോട് ആർട്ടിസ്റ്റുകൾ പരിഹാസരൂപേണ പ്രതികരിക്കുന്ന നിരവധി അഭിമുഖങ്ങൾ ശ്രദ്ധയിൽ പെട്ടു. പ്രതികരണം ലഭിക്കുമെന്ന പ്രതീക്ഷയിൽ മാധ്യമങ്ങൾ അവരുടെ ജോലിയാണ് ചെയ്യുന്നത്. 

ഇത്രയും അഹന്തയോടെ പെരുമാറാൻ ഇവിടെ ആർക്കും ഓസ്കാർ ലഭിച്ചിട്ടില്ല. ഇവിടെ മാധ്യമങ്ങൾ നിരപരാധികളാണെന്ന് ഞാൻ പറയുന്നില്ല. എന്നെക്കുറിച്ചും ഒന്നിലധികം ക്ലിക്ക് ബെയ്റ്റുകൾ ഉണ്ടായിട്ടുണ്ട്, ചിലപ്പോൾ ചോദിക്കുന്ന ചോദ്യങ്ങൾ ചിലപ്പോൾ അങ്ങേയറ്റം പ്രകോപനമാകും, എങ്കിലും ഓരോരുത്തർക്കും അവർ തിരഞ്ഞെടുക്കുന്ന ചോദ്യങ്ങൾ അവനോടുള്ള പ്രതികരണവും പരസ്പര ബഹുമാനത്തോടെയുള്ളതകാൻ ശ്രമിക്കാം. 

മറ്റുള്ളവരെ ബഹുമാനിക്കാനും താഴ്മയോടെ പെരുമാറാനും പഠിക്കൂ.' ഗൗതമി പറയുന്നു. ഈ കുറിപ്പ് പിന്നീട് സമൂഹമാധ്യമങ്ങളിൽ നിന്നും ഗൗതമി നീക്കി. അടുത്ത ദിവസങ്ങളിലെ ചില ഓൺലൈൻ അഭിമുഖങ്ങളിലാണ് ഗൗതമി ചൂണ്ടിക്കാണിച്ച തരത്തിലുള്ള ചില പെരുമാറ്റങ്ങൾ ചില താരങ്ങളുടെ ഭാഗത്തുനിന്നും ഉണ്ടായത്. അതിനെ വിമർശിച്ചും അനുകൂലിച്ചും നിരവധി ആളുകൾ രംഗത്തെത്തിയിരുന്നു.