ഹരിശ്രീ അശോകൻ മുതൽ ടൊവിനോ വരെ; കൃഷ്ണ വേഷത്തിലെത്തിയ താരങ്ങളെ പരിചയപ്പെടാം,,

തൃശൂർ: ശ്രീകൃഷ്ണന്റെ ജന്മദിനം ആഘോഷിക്കാനുള്ള ഒരുക്കങ്ങളിലാണ് നാടെങ്ങും. ചിങ്ങ മാസത്തിൽ രോഹിണി നക്ഷത്രവും അഷ്ടമിയും ഒരുമിച്ച് വരുന്ന ദിനമാണ് കൃഷ്ണ ജന്മാഷ്ടമിയായി ആഘോഷിക്കാറുള്ളത്.

ഈ ദിവസം ശ്രീകൃഷ്ണ പരമ്പരകളും സിനിമകളുമൊക്കെ പ്രേക്ഷകർക്കായി സംപ്രേഷണം ചെയ്യാറുണ്ട്. ശ്രീകൃഷ്ണ വേഷം അനശ്വരമാക്കിയ ഒട്ടനവധി താരങ്ങളുണ്ട്.

1 ഹരിശ്രീ അശോകൻ

നന്ദനത്തിലെ അരവിന്ദ് ആകാശ്, മീശ മാധവനിലെ ഹരിശ്രീ അശോകൻ തുടങ്ങി നിരവധി താരങ്ങൾ കൃഷ്ണ വേഷത്തിലെത്തി. മലയാള സിനിമയിൽ ശ്രീകൃഷ്ണനെ അവതരിപ്പിച്ച ചില താരങ്ങളെ പരിചയപ്പെടാം.

2 മിസ്റ്റർ ബട്ട്‌ലർ

ശശി ശങ്കറിന്റെ സംവിധാനത്തിൽ 2000ൽ പുറത്തിറങ്ങിയ ചിത്രമാണ് മിസ്റ്റർ ബട്ട്ലർ. ജ​ഗതി, ദിലീപ്, രുചിത പ്രസാദ് തുടങ്ങിയവരാണ് ചിത്രത്തിൽ പ്രധാന വേഷത്തിലെത്തിയത്. ചിത്രത്തിലെ രാരവേണു... എന്ന ​ഗാനരം​ഗത്തിൽ ദിലീപ് കൃഷ്ണനായി എത്തിയിരുന്നു. ഈ ഗാനം ഇന്നും പ്രേക്ഷകർക്കിടയിൽ ഹിറ്റാണ്.

 3 ടൊവിനോ തോമസ്

കമൽ രചനയും സംവിധാനവും നിർവഹിച്ച സിനിമയാണ് ആമി. മഞ്ജു വാര്യർ, മുരളി ഗോപി, ടൊവിനോ തോമസ് എന്നിവരായിരുന്നു ചിത്രത്തിൽ പ്രധാന വേഷത്തിലെത്തിയത്. പ്രശസ്ത എഴുത്തുകാരി കമല സുരയ്യയുടെ ജീവിതത്തെ ആസ്പദമാക്കിയാണ് ചിത്രമൊരുക്കിയിരിക്കുന്നത്. ടൊവിനോയാണ് ചിത്രത്തിൽ കൃഷ്ണനായെത്തിയത്.

4 ഇന്നസെന്റ് 

മലയാളത്തിലെ പ്രമുഖ നടീനടന്മാരെ അണിനിരത്തി ജോഷി സംവിധാ‍നം ചെയ്ത് 2008 ൽ പുറത്തിറങ്ങിയ ചിത്രമാണ് ട്വന്റി 20. മോഹൻലാൽ, മമ്മൂട്ടി, സുരേഷ് ഗോപി, ജയറാം, ദിലീപ് എന്നിവരായിരുന്നു ചിത്രത്തിൽ പ്രധാന വേഷത്തിലെത്തിയത്. ചിത്രത്തിൽ ഇന്നസെന്റ് കൃഷ്ണ വേഷത്തിലെത്തി മലയാളികളെ ചിരിപ്പിച്ചിരുന്നു.

 5 സൗബിൻ ഷാഹിർ 

ഒമർ ലുലു സംവിധാനം ചെയ്ത് 2016ലെത്തിയ ചിത്രമാണ് ഹാപ്പി വെഡ്ഡിങ്. സിജു വിൽസൺ, ഷറഫുദ്ദീൻ, സൗബിൻ തുടങ്ങിയവരാണ് ചിത്രത്തിൽ പ്രധാന വേഷത്തിലെത്തിയത്. സൗബിനായിരുന്നു ചിത്രത്തിൽ കൃഷ്ണ വേഷത്തിലെത്തിയത്.