ഏണസ്റ്റോ ചുഴലിക്കാറ്റ് അയർലണ്ടിൽ വീശിയടിക്കുമെന്ന് കാലാവസ്ഥാ പ്രവചനം... അടുത്തയാഴ്ച്ച കനത്ത മഴയും പ്രവചിച്ച് സർക്കാർ.. ജാഗ്രത പാലിക്കാൻ ജനങ്ങൾക്ക് നിർദേശം

ഡബ്ലിൻ: ഉഷ്ണമേഖലാ കൊടുങ്കാറ്റ് ഏണസ്റ്റോ അയർലണ്ടിലും വീശിയടിക്കുമെന്ന് കാലാവസ്ഥാ നിരീക്ഷകരുടെ പ്രവചനം.

നിലവിൽ യുഎസിൻ്റെ കിഴക്കൻ തീരത്ത് അറ്റ്ലാൻ്റിക് സമുദ്രത്തിലെ ബർമുഡയിലേക്ക് നീങ്ങിക്കൊണ്ടിരിക്കുന്ന ചുഴലിക്കാറ്റ് അടുത്ത ആഴച്ചയോടെ അയർലണ്ട് തീരങ്ങളളിൽ കര തൊടുമെന്നാണ് കാലാവസ്ഥാ പ്രവചനം.

കരീബിയൻ ദ്വീപുകൾക്ക് ചുറ്റും സഞ്ചരിക്കുന്നതിനാൽ ഇത് കാറ്റഗറി 2 ചുഴലിക്കാറ്റ് പദവിയിലെത്തുമെന്നും നിരീക്ഷകർ പ്രവചിക്കുന്നു. ഏണസ്റ്റോ ചുഴലിക്കാറ്റിന്റെ പശ്ചാത്തലത്തിൽ രാജ്യത്ത് ജാഗ്രതാ നിർദ്ദേശം ഇതിനോടകം സർക്കാർ നൽകി കഴിഞ്ഞു. 

കനത്ത മഴയ്ക്കുള്ള സാധ്യതയും കാറ്റിന്റെ തീവ്രതയിൽ നാശ നഷ്ടങ്ങളും സർക്കാർ മുൻകൂട്ടി കണ്ടാണ് നിർദേശങ്ങൾ പുറപ്പെടുവിച്ചിരിക്കുന്നത്.