വയനാടിനായി പത്തനംതിട്ട ജില്ലാ പഞ്ചായത്ത് ഒരു കോടി രൂപ മുഖ്യമന്ത്രിയുടെ ദുരിതാശ്വാസനിധിയിലേക്ക് കൈമാറി

പത്തനംതിട്ട :മുഖ്യമന്ത്രിയുടെ ദുരിതാശ്വാസ നിധിയിലേക്ക് പത്തനംതിട്ട ജില്ലാ പഞ്ചായത്ത് ഒരു കോടി രൂപ നൽകി. ജില്ലാ പഞ്ചായത്ത് പ്രസിഡൻ്റ്  രാജി. പി. രാജപ്പൻ്റെ നേതൃത്വത്തിലാണ് കോടി  രൂപയുടെ ചെക്ക് തിരുവനന്തപുരത്ത് വച്ച് മുഖ്യമന്ത്രി പിണറായി വിജയന് കൈമാറിയത്.

വയനാട്  ദുരിതാശ്വാസ ക്യാമ്പിലേക്ക് രണ്ട് ലോറികൾ നിറയെ സാധനങ്ങൾ പത്തനംതിട്ട ജില്ലാ പഞ്ചായത്തിന്റെയും ബ്ലോക്ക് പഞ്ചായത്തുകളുടെയും ഗ്രാമപഞ്ചായത്തുകളുടെയും നേതൃത്വത്തിൽ  നൽകിയിരുന്നു.ഇതിന് പുറമേയാണ്  ജില്ലാ പഞ്ചായത്ത്‌ ഒരു കോടി രൂപ മുഖ്യമന്ത്രിയുടെ ദുരിതാശ്വാസനിധിയിലേക്ക് സംഭാവനയായി നൽകിയത്.

മുഖ്യമന്ത്രിക്ക് ചെക്ക് കൈമാറുന്ന വേളയിൽ ജില്ല പഞ്ചായത്ത് പ്രസിഡണ്ട് രാജി പി രാജപ്പനോടൊപ്പം വൈസ് പ്രസിഡൻ്റ് ബീനാ പ്രഭാ , സ്റ്റാൻഡിംഗ് കമ്മിറ്റി ചെയർമാൻമാരായ ആർ.അജയകുമാർ, ജിജി മാത്യു, സി കെ ലതാകുമാരി , ലേഖാ സുരേഷ്,ജിജോ മോഡി എന്നിവരും സന്നിഹിതരായിരുന്നു.