ലിലിയൻ കൊടുങ്കാറ്റ് ഇന്ന് അയർലണ്ട് തീരങ്ങളിൽ കര തൊടും കനത്ത മുന്നറിയിപ്പുമായി സർക്കാർ.

ഡബ്ലിൻ:ലിലിയൻ കൊടുങ്കാറ്റ് അയർലണ്ടിനെ ബാധിക്കുമെന്ന് കാലാവസ്ഥാ മുന്നറിയിപ്പ്

'കാലാതീതമായി ശക്തമായ' കാറ്റും 'വളരെ ഉയർന്ന വേലിയേറ്റവും' രാജ്യത്തിൻ്റെ ചില ഭാഗങ്ങളിൽ അടിക്കുമെന്നും റിപ്പോർട്ടുകൾ ഉണ്ട്.

അതേസമയം ലിലിയൻ കൊടുങ്കാറ്റ് ഇന്ന് വൈകുന്നേരത്തോടെ അയർലണ്ടിനെ ബാധിക്കുമെന്നതിനാൽ നിരവധി കാലാവസ്ഥാ മുന്നറിയിപ്പുകൾ ഇതിനോടകം സർക്കാ നൽകിയിട്ടുണ്ട്.

കനത്ത മഴ പ്രാദേശികമായ വെള്ളപ്പൊക്കത്തിനും യാത്രാക്ലേശത്തിനും ഇടയാക്കാൻ സാധ്യതയുള്ള എട്ട് കൗണ്ടികളിൽ സ്റ്റാറ്റസ് യെല്ലോ മഴ മുന്നറിയിപ്പ് ഇന്ന് രാത്രി പ്രാബല്യത്തിൽ വരുമെന്ന് മെറ്റ് ഐറിയൻ പറഞ്ഞു.

ക്ലെയർ, ഗാൽവേ, റോസ്‌കോമൺ, ലോംഗ്‌ഫോർഡ്, ലൗത്ത്, മീത്ത്, ഓഫാലി, വെസ്റ്റ്മീത്ത് എന്നിവിടങ്ങളിൽ മുന്നറിയിപ്പ് ഇന്ന് രാത്രി 10 മണി മുതൽ നാളെ പുലർച്ചെ 4 മണി വരെ ബാധകമായിരിക്കും.

മൺസ്റ്റർ, വെക്‌സ്‌ഫോർഡ്, വിക്ലോ, കാർലോ, കിൽകെന്നി, ലാവോയിസ്, കിൽഡെയർ, ഡബ്ലിൻ എന്നിവിടങ്ങളിൽ പ്രത്യേക സ്റ്റാറ്റസ് യെല്ലോ കാറ്റ് മുന്നറിയിപ്പ് നാളെ അർദ്ധരാത്രി മുതൽ നാളെ രാവിലെ 6 വരെ പ്രാബല്യത്തിൽ വരും.

കാലാതീതമായി ശക്തവും തെക്ക് മുതൽ തെക്ക് പടിഞ്ഞാറ് ദിശയിലുള്ള കാറ്റും പടിഞ്ഞാറ് നിന്ന് വടക്ക് പടിഞ്ഞാറ് ദിശയിൽ വീശുന്ന കാറ്റും പ്രതീക്ഷിക്കുന്നതായും വേലിയേറ്റം കാരണം തീരപ്രദേശത്ത് വെള്ളപ്പൊക്കത്തിന് സാധ്യതയുണ്ടെന്നും കാലാവസ്ഥാ നിരീക്ഷകൻ പറഞ്ഞു.

കാറ്റിൻ്റെ സാധ്യതയുള്ള സ്ഥലങ്ങളിൽ മരങ്ങൾ കടപുഴകി വീഴാനും, തീരപ്രദേശങ്ങളിൽ വെള്ളപ്പൊക്കം, ഉയർന്ന തിരമാലകൾ, വൈദ്യുതി ബന്ധം തടസപ്പെടാനും സാധ്യത ഉള്ളതായി മുന്നറിയിപ്പ് ഉണ്ട്.

എണസ്റ്റോ ചുഴലിക്കാറ്റ് പടിഞ്ഞാറൻ തീരത്ത് എത്തിയതിന് ശേഷം പുലർച്ചെ 2.30 ന് ഗാൽവേയ്ക്കും മയോയ്ക്കും മഞ്ഞ കാറ്റും മഴയും മുന്നറിയിപ്പ് നൽകി.

യുകെ മെറ്റ് ഓഫീസ് നാമകരണം ചെയ്ത ലിലിയൻ, ഓഗസ്റ്റ് 31-ന് അവസാനിക്കുന്ന നിലവിലെ കൊടുങ്കാറ്റ് സീസണിലെ 12-ാമത്തെ പേരുള്ള കൊടുങ്കാറ്റാണ്.