പൂനെ: നാല് യാത്രക്കാരുമായി സഞ്ചരിച്ച സ്വകാര്യ ഹെലികോപ്ടർ തകർന്നുവീണു. പൂനെയിലെ പൗദ് മേഖലയിലാണ് സംഭവം നടന്നത്. ഹെലികോപ്ടറിൽ യാത്ര ചെയ്ത നാല് പേരും അത്ഭുതകരമായി രക്ഷപ്പെട്ടു.
ക്യാപ്റ്റനെ പരിക്കുകളോടെ ആശുപത്രിയിൽ പ്രവേശിപ്പിച്ചു. ഇദ്ദേഹം അപകടനില തരണം ചെയ്തുവെന്നാണ് റിപ്പോർട്ട്. മുംബയ് ആസ്ഥാനമായുള്ള ഗ്ലോബൽ വെക്ട്ര ഹെലികോർപ് ലിമിറ്റഡ് എന്ന സ്വകാര്യ കമ്പനിയുടെ ഹെലികോപ്ടറാണ് തകർന്നുവീണത്.
അപകടത്തിന്റെ നടുക്കുന്ന ദൃശ്യങ്ങൾ പുറത്തുവന്നിട്ടുണ്ട്. ഹെലികോപ്ടറിലെ യാത്രക്കാരായ ദീർ ഭാട്യ, അമർദീപ് സിംഗ്, എസ് പി റാം എന്നിവർ പരിക്കേൽക്കാതെ രക്ഷപ്പെട്ടുവെന്നും പൊലീസ് പറഞ്ഞു.
അഗസ്റ്റ വെസ്റ്റ്ലാൻഡിന്റെ എ ഡബ്ല്യു 139 മോഡൽ ഹെലികോപ്ടറാണ് തകർന്നത്. മുംബയിലെ ജുഹുവിൽ നിന്ന് ഹെെദരാബാദിലേക്ക് പോകുകയായിരുന്നു.
ശക്തമായ കാറ്റും മോശം കാലാവസ്ഥയുമാണ് അപകടത്തിന് കാരണമെന്നാണ് പ്രാഥമിക നിഗമനം.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.