സുന്ദര ചർമ്മത്തിന് കഴിക്കാം സ്ട്രോബെറി: ഭക്ഷണത്തില്‍ സ്ട്രോബെറി ഉള്‍പ്പെടുത്തു ഹൃദയത്തിൻറെയും തലച്ചോറിൻറെയും ആരോഗ്യത്തിന് ഉത്തമം. അത്ഭുത ഗുണങ്ങൾ ഏറെ,

സ്ട്രോബെറിയുടെ രുചിയുള്ള പല ഉത്പന്നങ്ങളും കഴിക്കാൻ എല്ലാവർക്കും ഇഷ്ടമാണ്. മില്‍ക്ക് ഷേക്ക്, ഐസ്ക്രീം ജ്യൂസ് തുടങ്ങി മുട്ടായികള്‍ വരെ സ്ട്രോബെറി സ്ട്രോബെറി രുചിയില്‍ ലഭ്യമാണ്.

എന്നാല്‍ സ്ട്രോബെറി പഴമായി കഴിയ്ക്കാൻ എല്ലാവർക്കും അത്ര ഇഷ്ടമല്ല. പക്ഷേ, സ്ട്രോബറിയില്‍ ധാരാളം പോഷകഗുണങ്ങള്‍ അടങ്ങിയിട്ടുണ്ടെന്ന് എത്ര പേർക്കറിയാം? ദൈനംദിന ഭക്ഷണത്തില്‍ സ്ട്രോബെറി ഉള്‍പ്പെടുത്തുന്നത് ഹൃദയത്തിൻറെയും തലച്ചോറിൻറെയും ആരോഗ്യത്തിന് നല്ലതാണെന്ന് വിദഗ്ധർ പറയുന്നു.

ഉയർന്ന നാരുകളുള്ള പഴങ്ങള്‍ കഴിക്കുന്നത് പതിവായി മലവിസർജ്ജനം നടത്താനും ഇടയ്ക്കിടെയുള്ള മലബന്ധം ലഘൂകരിക്കാനും സഹായിക്കും. സ്ട്രോബെറി ഒരു പ്രീബയോട്ടിക് ആയി പ്രവർത്തിക്കുന്നു. അതിനർത്ഥം "നല്ല" കുടല്‍ ബാക്ടീരിയകള്‍ വർദ്ധിപ്പിക്കാൻ സഹായിക്കുന്നു.

സ്‌ട്രോബെറിയില്‍ കാണപ്പെടുന്ന ആന്തോസയാനിൻ പോലെയുള്ള ആൻ്റിഓക്‌സിഡൻ്റുകള്‍ ആരോഗ്യമുള്ള ഗട്ട് മൈക്രോബയോമിന് കഴിയുമെന്ന് ഗവേഷകർ കണ്ടെത്തി. 

അവശ്യ പോഷകങ്ങളും ആന്റിഓക്‌സിഡന്റുകളും നിറഞ്ഞ ഈ പഴങ്ങള്‍ ഹൃദയ, മസ്തിഷ്ക ആരോഗ്യത്തിന് നല്ലതാണെന്നാണ് ഗവേഷണ റിപ്പോർട്ടുകളില്‍ നിന്ന് വ്യക്തമാകുന്നത്.

സ്ട്രോബെറിയിലെ ആൻ്റിഓക്‌സിഡൻ്റുകള്‍ രോഗപ്രതിരോധ സംവിധാനത്തെ പിന്തുണയ്ക്കുകയും രക്തത്തിലെ പഞ്ചസാര നിയന്ത്രിക്കാനും ഉയർന്ന കൊളസ്ട്രോള്‍, കാൻസർ, ഹൃദ്രോഗം, സ്ട്രോക്ക്, പ്രമേഹം തുടങ്ങിയ ആരോഗ്യ അവസ്ഥകളില്‍ നിന്ന് സംരക്ഷിക്കാനും അവ സഹായിച്ചേക്കാം.

സ്ട്രോബെറിയില്‍ കാണപ്പെടുന്ന ചില ആൻ്റിഓക്‌സിഡൻ്റുകള്‍ ക്യാൻസർ കോശങ്ങളുടെ വളർച്ചയെ മന്ദഗതിയിലാക്കിയേക്കാം. സ്ട്രോബറി പൊട്ടാസ്യത്തിൻറെ കലവറയാണ്. രക്തക്കുഴലുകളുടെ ആരോഗ്യത്തിനും ഹൃദയത്തിൻറെ ആയാസം കുറയ്ക്കാനും പൊട്ടാസ്യത്തിന് കഴിയും.

ഉയർന്ന അളവിലുള്ള എല്‍ഡിഎല്‍ കൊളസ്‌ട്രോള്‍ (ലോ ഡെൻസിറ്റി ലിപ്പോപ്രോട്ടീൻ) ഹൃദ്രോഗത്തിന് കാരണമാകും. സ്ട്രോബറിയിലെ ആന്റിഓക്‌സിഡന്റുകളും ഡയറ്ററി ഫൈബറും ആരോഗ്യകരമായ നിലയില്‍ കൊളസ്‌ട്രോളിന്റെ അളവ് നിലനിർത്താൻ സഹായിക്കും.

ആൻ്റിഓക്‌സിഡൻ്റുകളുടെ സമ്പന്നമായ ഉറവിടമായതിനാല്‍ സ്ട്രോബെറി ചർമ്മത്തിന് നല്ലതാണ്. എലാജിക് ആസിഡ് ധാരാളമായി അടങ്ങിയിരിക്കുന്ന ഇത് അള്‍ട്രാവയലറ്റ് രശ്മികളെ നശിപ്പിക്കുന്നതില്‍ നിന്ന് ചർമ്മത്തെ സംരക്ഷിക്കുന്നു. കൂടാതെ, അള്‍ട്രാവയലറ്റ് രശ്മികള്‍ മൂലമുണ്ടാകുന്ന കേടുപാടുകള്‍ മാറ്റാനും ആൻ്റിഓക്‌സിഡൻ്റുകള്‍ സഹായിക്കുന്നു.

സ്ട്രോബെറിയില്‍ ഉയർന്ന അളവില്‍ നാരുകള്‍ അടങ്ങിയിട്ടുണ്ട്. ഇത് അമിതമായി ഭക്ഷണം കഴിക്കുന്നത് തടയാനും സഹായിക്കുന്നു. ഉയർന്ന അളവിലുള്ള വിറ്റാമിൻ സി മെറ്റബോളിസം വർദ്ധിപ്പിക്കാൻ സഹായിക്കും.