സംസ്ഥാന കോൺഗ്രസിൽ ഭിന്നത രൂക്ഷം ക്യാംപ് എക്സിക്യുട്ടിവ് യോഗം ബഹിഷ്കരികരിച്ച് പ്രതിപക്ഷ നേതാവ് വി ഡി സതീശൻ

തിരുവനന്തപുരം:വയനാട് ചേർന്ന ക്യാംപ് എക്സിക്യുട്ടിവ് തീരുമാനങ്ങൾ നടപ്പാക്കുന്നതിനെച്ചൊല്ലി കോൺഗ്രസിൽ ഭിന്നത.

തിരുവനന്തപുരം ജില്ലയിൽ വിളിച്ചുചേർത്ത ക്യാംപ് എക്സിക്യുട്ടിവ് പ്രതിപക്ഷ നേതാവ് വി.ഡി.സതീശൻ ബഹിഷ്കരിച്ചു. എല്ലാ ജില്ലയിലും പ്രതിപക്ഷ നേതാവ് കൂടി പങ്കെടുത്തുകൊണ്ട് ക്യാംപ് എക്സിക്യുട്ടിവ് ചേരാനാണു തീരുമാനിച്ചിരുന്നത്.

വയനാട് ക്യാംപിൽ തദ്ദേശ തിരഞ്ഞെടുപ്പുമായി ബന്ധപ്പെട്ടെടുത്ത തീരുമാനങ്ങൾ നടപ്പാക്കാൻ പ്രതിപക്ഷ നേതാവിന്റെ ഓഫിസ് കേന്ദ്രീകരിച്ച് വാട്സാപ് ഗ്രൂപ്പ് ഉണ്ടാക്കുകയും ഡിസിസി പ്രസിഡന്റുമാർക്കു നിർദേശങ്ങൾ നൽകുകയും ചെയ്തിരുന്നു. 

ഈ വാട്സാപ് ഗ്രൂപ്പിൽനിന്നും പ്രവർത്തനത്തിൽനിന്നും തങ്ങളെ മാറ്റി നിർത്തിയതായി ജില്ലകളുടെ ചുമതലയുള്ള കെപിസിസി ഭാരവാഹികൾ പരാതിപ്പെടുകയായിരുന്നു. 

ഇക്കാര്യം ചർച്ച ചെയ്യാൻ ഇന്നലെ രാത്രി കെപിസിസി പ്രസിഡന്റിന്റെ സാന്നിധ്യത്തിൽ ഓൺലൈനായി കെപിസിസി ഭാരവാഹി യോഗം വിളിച്ചപ്പോൾ പ്രതിപക്ഷ നേതാവിനെതിരെ വലിയ വിമർശനമാണ് ഉയർന്നത്. 

ഇതോടെയാണ് തന്നെ അറിയിക്കാതെ യോഗം വിളിച്ചതിൽ  പ്രതിഷേധിച്ച് തിരുവനന്തപുരത്തെ ക്യാംപ് എക്സിക്യുട്ടിവിൽനിന്ന് വി.ഡി.സതീശൻ അവസാന നിമിഷം പിൻമാറിയത്. അതേസമയം ജില്ലയിലുണ്ടായിരുന്ന പ്രതിപക്ഷ നേതാവ് മറ്റു ചില പരിപാടികളിൽ പങ്കെടുക്കുകയും ചെയ്തു. 

വയനാട് ക്യാംപിലെ തീരുമാനങ്ങൾ എങ്ങനെ നടപ്പാക്കണമെന്നതിൽ എഐസിസി വ്യക്തത വരുത്തിയശേഷം മാത്രം ഇനി ക്യാംപുകളിൽ പങ്കെടുക്കാമെന്നതാണ് വി.ഡി.സതീശന്റെ ഇപ്പോഴത്തെ നിലപാട്.

🔰അനാവശ്യ പ്രതികരണങ്ങൾ ഒഴിവാക്കുക
🔔ഡെയ്‌ലി മലയാളി ന്യൂസ് JOIN     

"'എവിടെ പ്രാർഥിച്ചിട്ടും കാര്യമില്ല ശിക്ഷിക്കപ്പെടും,നടന്നത് കോടാനു കോടികളുടെ കൊള്ള..!! '', Watch the video #crime

അർത്തുങ്കൽ പള്ളിയിലെ ആരും കാണാത്ത ചരിത്ര രഹസ്യം..!

 വാർത്തകൾ 💬 നേരത്തെ അറിയൂ .. എല്ലാവരിലേക്കും എത്തിക്കൂ SUBCRIBE         
ഡെയ്‌ലി മലയാളി ന്യൂസ് വാർത്തകൾ 💬 അയയ്ക്കാൻ &  പരസ്യങ്ങൾക്ക് 📩 : dailymalayalyinfo@gmail.com ☎: +918606657037

buttons=(Accept !) days=(20)

Our website uses cookies to enhance your experience. Learn More
Accept !