മഴ ശക്തമാകുന്നു: അടുത്ത മൂന്ന് ദിവസം റവന്യു വകുപ്പ് ഉദ്യോഗസ്ഥർ അവരവരുടെ അധികാര പരിധിവിട്ട് പോകരുത് മന്ത്രി കെ രാജൻ,

തിരുവനന്തപുരം: അടുത്ത മൂന്ന് ദിവസം റവന്യു വകുപ്പ് ഉദ്യോഗസ്ഥർ അവരവരുടെ അധികാര പരിധിവിട്ട് പോകരുതെന്ന് റവന്യു മന്ത്രി കെ.രാജൻ. അവധി എടുത്തിട്ടുള്ളവർ ഈ ദിവസങ്ങളില്‍ തിരികെ ജോലിയില്‍ പ്രവേശിക്കണമെന്നും മന്ത്രി പറഞ്ഞു.

മഴ ശക്തമാകുന്ന സാഹചര്യത്തിലാണ് മന്ത്രി ഉദ്യോഗസ്ഥർക്ക് നിർദേശം നല്‍കിയത്. ജില്ലാ കലക്ടർമാരുടെ യോഗത്തിലാണ് മന്ത്രി ഇക്കാര്യം വ്യക്തമാക്കിയത്. 

ദുരന്ത നിവാരണ പ്രവർത്തനങ്ങള്‍ക്കായി ഒരു കോടി രൂപ വീതം ജില്ലകള്‍ക്ക് കൈമാറിയിട്ടുണ്ട്. ആവശ്യം വരുന്ന മുറയ്ക്ക് വില്ലേജുകള്‍ക്ക് നടപടിക്രമം പാലിച്ച്‌ ഫണ്ട് കൈമാറാൻ യോഗത്തില്‍ ജില്ലാ കലക്ടർമാരെ മന്ത്രി ചുമതലപ്പെടുത്തി.