കുടിവെള്ള പ്രശ്നം അറക്കുളത്ത് ബിജെപിയുടെ പ്രതിഷേധം

മൂലമറ്റം :മറ്റ് പബ്ബ് ഹൗസുകളിലെ പഴകിയ മോട്ടോറുകൾ അറക്കുളത്തെത്തിച്ച് ഫിറ്റ് ചെയ്യുകയും സ്ഥിരമായി മോട്ടോറുകൾ തകരാറാകുകയും ചെയ്തിട്ടും ഈ വിഷയത്തിന് ശാശ്വത പരിഹാരം കാണാത്ത അറക്കുത്തെ ഇടത് വലത് കൂട്ട് ഭരണസമിതിക്കെതിരെ ബിജെപി പ്രതിഷേധ സമരം നടത്തി.

ഇത്തവണ മോട്ടോർ തകരാറായിട്ട് 10 ദിവസങ്ങളായിട്ടും പ്രശ്നം പരിഹരിക്കാത്തതിനാലാണ് പ്രതിഷേധ സമരം നടത്തിയത്. 

വലിയ തകരാറില്ലാതിരുന്ന മൂലമറ്റം കമ്മ്യൂണിറ്റി ഹാൾ 38ലക്ഷം രൂപ മുടക്കി പുനരുദ്ധാരണം നടത്തി ക്രമക്കേട് നടത്തിയ അറക്കുളം പഞ്ചായത്തിലെ അവിഹിത ഇടത് വലത് ഉദ്യോഗസ്ഥ കൂട്ട് കെട്ട് നിരന്തരംകുടിവെള്ള പ്രശ്നം ഉണ്ടാകുന്ന അറക്കുളത്തെ പബ്ബ് ഹൗസിൽ അതിൽ നിന്നും 3 ലക്ഷം രൂപ മുടക്കി പുതിയ മോട്ടോർ സ്ഥാപിച്ചിരുന്നുവെങ്കിൽ 10 വർഷക്കാലത്തേക്ക് യാതൊരു വിധ പ്രശ്നവും ഉണ്ടാകുമായിരുന്നില്ലായെന്ന് ബിജെപികുറ്റപ്പെടുത്തി.

കുടിവെള്ള പ്രശ്നം ശ്രദ്ധയിൽ പെടുത്തിയപ്പോൾ മഴവെള്ളം പിടിച്ചാൽ മതിയെന്ന് ഒരു് ജനപ്രതിനിധി പറഞ്ഞതാണ് ഇപ്പോൾ പ്രതിഷേധിക്കുവാൻ കാരണം.25 വർഷക്കാലമായി ശുദ്ധീകരിക്കാത്ത മലിനജലം നാട്ടുകാർക്ക് വിതരണം ചെയ്യുന്ന ഇന്ത്യയിലെ ഏക കുടിവെള്ള പദ്ധതിയാണ് അറക്കുളം പതിനാലാം വാർഡിലേത് വാട്ടർ അഥോരിറ്റിയുടെ ഈ പബ്ബ് ഹൗസിൽ നിന്നുള്ള 50 വർഷം പഴക്കമുള്ള പൈപ്പുകൾ പൊട്ടി കുടിവെള്ള വിതരണം മുടങ്ങുന്നതും ഇവിടെ നിത്യസംഭവമാണ്. 

ഇക്കാര്യത്തിൽ പലപ്പോഴും പഞ്ചായത്തിൻ്റെ ഇടപെടീൽ വൈകുമ്പോൾ നാട്ടുകാർ പണം മുടക്കി പൈപ്പുകൾ നന്നാക്കുകയാണ് പതിവ്.കേന്ദ്ര സർക്കാർ 70 കോടി അനുവദിച്ച് നടപ്പാക്കുന്ന ജലജീവൻ മിഷൻ പദ്ധതിയുടെ പൂർത്തീകരണമാണ് ഇനി അറക്കുളത്തിൻ്റെഏക പ്രതീക്ഷ. 

ഇതിനുള്ള പഞ്ചായത്തിൻ്റെ വിഹിതം വച്ചിട്ടില്ലായെന്നതും പഞ്ചായത്തിൻ്റെ അനാസ്തയാണ് കാണിക്കുന്നത്. ജലസേചന വകുപ്പ് മന്ത്രിയുടെ മണ്ഡലത്തിലെ രൂക്ഷമായ ഈ പ്രശ്നം പരിഹരിക്കുവാൻ മന്ത്രിയോ, മന്ത്രിയുടെ പാർട്ടിയോ, മുന്നണിയോ തയ്യാറാകുന്നില്ല എന്നതാണ് ഏറ്റവും സങ്കടകരം.

പ്രതിഷേധിച്ചാലോസമരം നടത്തിയാലോ ഏതെങ്കിലും പഴയ മോട്ടർ കൊണ്ട് വച്ച് സെൽഫി എടുത്തിടുകയും, വീണ്ടും മോട്ടോർ കേടായാലോ, പൈപ്പ് പൊട്ടിയാലോ ഇടപെടാത്തവരാണ് പഴയ മോട്ടറുകൾ സ്ഥാപിച്ച് ജനങ്ങളെ വിഢികളാക്കുന്നത്. പ്രതികരിക്കുന്നവരേയും, പ്രതിഷേധിക്കുന്നവരേയും ജനപ്രതിനിധികളും, നേതാക്കളും മോട്ടർ നന്നാക്കുമെന്ന് കണ്ട് സമരം നടത്തിയെന്ന് ആക്ഷേപിച്ച സാഹചര്യത്തിലാണ് ബിജെപി പ്രത്യക്ഷ സമരത്തിലേക്കിറങ്ങിയത്.

ബിജെപി അറക്കുളം പഞ്ചാ.കമ്മറ്റിപ്രസി.എംകെ.രാജേഷിൻ്റെ അദ്ധ്യക്ഷതയിൽ നടന്ന പ്രതിഷേധ സമരം സംസ്ഥാന കമ്മറ്റിയംഗം പി.ഏ.വേലുക്കുട്ടൻ ഉൽഘാടനം ചെയ്തു. പി.വി.സൗമ്യ, എം.ജി.ഗോപാലകൃഷ്ണൻ, രമാ രാജീവ്, ഉത്രാടം കണ്ണൻ എന്നിവർ സംസാരിച്ചു.