മണിമലയിൽ കാറും സ്കൂട്ടറും കൂട്ടിയിടിച്ചുണ്ടായ അപകടത്തിൽ, പാസ്റ്റർ മരിച്ചു ഒരാൾക്ക് പരിക്ക്,

മണിമല: കറിക്കാട്ടൂർ ഗവണ്‍മെന്‍റ് എല്‍പി സ്കൂളിനു സമീപം കാറും സ്‌കൂട്ടറും കൂട്ടിയിടിച്ച്‌ സ്‌കൂട്ടർ യാത്രക്കാരൻ മരിച്ചു.

സഹയാത്രക്കാരന് പരിക്ക്. അയർക്കുന്നം പാറേവളവ് വാസല്ലൂർ പാസ്റ്റർ വി.ടി. രെജു ആണ് മരിച്ചത്. 

മൃതദേഹം കോട്ടയം മെഡിക്കല്‍ കോളജ് ആശുപത്രിയില്‍. പരിക്കേറ്റ സഹയാത്രികൻ പാലാ സ്വദേശി ബൈജുവിനെ സ്വകാര്യ ആശുപത്രിയില്‍ പ്രവേശിപ്പിച്ചു. പൊൻകുന്നം - പുനലൂർ റോഡില്‍ മണിമല കറിക്കാട്ടൂർ ഗവ.എല്‍പി സ്‌കൂളിന് സമീപം ഇന്നലെ വൈകുന്നേരം 6.30 ഓടെയാണ് അപകടം.

റോഡരികിലെ പഴക്കടയില്‍നിന്നു സാധനങ്ങള്‍ വാങ്ങി സ്‌കൂട്ടർ മുൻപോട്ട് എടുക്കുന്നതിനിടെ എതിരെ വന്ന കാർ ഇടിക്കുകയായിരുന്നു. ഇടിയുടെ ആഘാതത്തില്‍ രെജു തെറിച്ചു പോയി നിർത്തിയിട്ടിരുന്ന സ്വകാര്യ ബസിന്‍റെ മുൻപിലാണ് വീണത്. ഏറെനേരം ഗതാഗതം തടസപ്പെട്ടു. 

രെജുവിന്‍റെ ഭാര്യ-കുഞ്ഞുമോള്‍. മക്കള്‍- കെസിയ, കെസൻ. മരുമകൻ - സന്തോഷ്. സംസ്‌കാരം പിന്നീട്.