ചെറുതോണി: സ്കാൻ ചെയ്യാനായി പോകുന്നതിനിടെ യുവതി ഓട്ടോയ്ക്കുള്ളില്‍ പ്രസവിച്ചു. കഴിഞ്ഞദിവസം രാവിലെ ചെറുതോണി ഗാന്ധിനഗർ സ്വദേശിനിയായ യുവതിയാണ് ഓട്ടോയ്ക്കുള്ളില്‍ പ്രസവിച്ചത്.
ഗർഭിണിയായ യുവതിയെ സ്കാൻ ചെയ്യാൻ കൊണ്ടുപോകുന്നതിനായി ബന്ധുക്കള്‍, ചെറുതോണി ടൗണില്‍ ഓട്ടോറിക്ഷ ഓടിക്കുന്ന കണിയാപറമ്പില്‍ സുബൈറിനെ അടിമാലിക്ക് ഓട്ടം വിളിച്ചു. യാത്രാമധ്യേ അസ്വസ്ഥത തോന്നിയ യുവതിയെ പെട്ടെന്ന് ആശുപത്രിയില്‍ എത്തിക്കുന്നതിനായി ഡ്രൈവർ വേഗത്തില്‍ ഓട്ടോറിക്ഷ ഓടിച്ചു. എന്നാല്‍, പനംകൂട്ടിയില്‍വെച്ച്‌ പ്രസവവേദന കൂടി. ഓട്ടോറിക്ഷഡ്രൈവർ വാഹനം നിർത്തിയിട്ട് മാറിനിന്നു.
യുവതി ഓട്ടോറിക്ഷയില്‍ പ്രസവിച്ചു. എന്നാല്‍, പൊക്കിള്‍ക്കൊടി മുറിഞ്ഞില്ല. പിന്നീട് അമ്മയേയും കുഞ്ഞിനേയും അടിമാലി താലൂക്കാശുപത്രിയില്‍ പ്രവേശിപ്പിച്ചു.
ഡ്രൈവറുടെ അവസരോചിതമായ ഇടപെടലാണ് തുണയായതെന്ന് യുവതിയും കുടുംബവും പറഞ്ഞു.
.jpeg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.