ചെലവഴിക്കാത്ത തിരഞ്ഞെടുപ്പ് ഫണ്ട് ബി.ജെ.പി. സംസ്ഥാനനേതൃത്വം തിരികെ വാങ്ങുന്നു

കൊല്ലം:ചെലവഴിക്കാത്ത തിരഞ്ഞെടുപ്പ് ഫണ്ട് കീഴ്ഘടകങ്ങളിൽനിന്ന് ബി.ജെ.പി. സംസ്ഥാനനേതൃത്വം തിരികെ വാങ്ങുന്നു. 

സംസ്ഥാനഘടകംവഴി ലോക്‌സഭാ മണ്ഡലം തിരഞ്ഞെടുപ്പ് കമ്മിറ്റികൾക്ക് നൽകിയ ഫണ്ടിലെ ചെലവഴിക്കാത്ത തുകയാണ് തിരിച്ചെടുക്കുന്നത്.

ഇതിനായി ഓഡിറ്റർമാരുടെ പ്രത്യേക സംഘത്തെ 20 മണ്ഡലങ്ങളിലും അയച്ച് വരവുചെലവ് കണക്ക് പരിശോധിക്കും.

ബാക്കിത്തുക തിരിച്ചേൽപ്പിക്കണമെന്ന് തിരഞ്ഞെടുപ്പ് കമ്മിറ്റികളോട് നിർദേശിച്ചതായാണ് വിവരം. കണക്കുകളും ചെലവഴിച്ചതിന്റെ രേഖകളും തയ്യാറാക്കിവയ്ക്കണമെന്നും പറഞ്ഞിട്ടുണ്ട്. 

ബൂത്ത്, ഏരിയ, പഞ്ചായത്ത്, മണ്ഡലം തലങ്ങളിലേക്ക് വോട്ട്‌ ചേർക്കൽ, ചുവരെഴുത്ത്, മൈക്ക് പ്രചാരണം തുടങ്ങി വിവിധ ആവശ്യങ്ങൾക്ക് പല ഘട്ടങ്ങളിലായി പണം അനുവദിച്ചിരുന്നു. കഴിഞ്ഞതവണ ലഭിച്ച വോട്ടിന്റെ അടിസ്ഥാനത്തിൽ ക്ലാസുകൾ തിരിച്ചാണ് കേന്ദ്രനേതൃത്വം പണം നൽകിയത്.

ചിലയിടങ്ങളിൽ ഇക്കുറി താഴേ ഘടകങ്ങൾക്ക് പണം കിട്ടിയില്ലെന്ന് പരാതിയുണ്ടായി. എ ക്ലാസ് മണ്ഡലങ്ങളിൽപ്പോലും സ്ഥാനാർഥിയുടെ അഭ്യർഥന, വിഷു ആശംസാ കാർഡ് തുടങ്ങിയ പ്രചാരണസാമഗ്രികൾ കൃത്യസമയത്ത് കിട്ടിയില്ലെന്നു കാട്ടിയുള്ള പരാതികളുയർന്നു. 

ആവശ്യമായ എണ്ണത്തിന്റെ പകുതി നോട്ടീസുകൾപോലും കിട്ടിയില്ലെന്ന പരാതിയും സംസ്ഥാനനേതൃത്വത്തിന് ലഭിച്ചിട്ടുണ്ട്.

ബൂത്ത്‌ കമ്മിറ്റികളെക്കൊണ്ട് ചുവരുകൾ ബുക്ക് ചെയ്തെങ്കിലും എഴുത്തു നടന്നില്ലെന്നാണ് മറ്റൊരു പരാതി. ഈ സാഹചര്യത്തിലാണ് പ്രത്യേക സംഘത്തെക്കൊണ്ട് കണക്ക് പരിശോധിക്കുന്നത്.

മുൻ തിരഞ്ഞെടുപ്പുകളിൽ വാങ്ങിയ ഫണ്ടിൽനിന്ന് മിച്ചമുണ്ടായിരുന്ന തുക ചില പാർട്ടിഘടകങ്ങൾ കൈവശം െവച്ചിരുന്നു. വകമാറ്റി ചെലവഴിച്ചതായും പരാതി ഉണ്ടായിട്ടുണ്ട്.

🔰അനാവശ്യ പ്രതികരണങ്ങൾ ഒഴിവാക്കുക
ഡെയ്‌ലി മലയാളി  ന്യൂസ്,  www.dailymalayaly.com വാർത്തകൾ 💬 അയയ്ക്കാൻ | ☎: +918921123196  +918606657037  പരസ്യങ്ങൾക്ക് | ☎: +918921123196  +918606657037 | 📩 : dailymalayalyinfo@gmail.com

സ്വർണ്ണം വിറ്റ് കോവിഡ് രോഗികളെ ചികിൽസിച്ച പ്രിയപ്പെട്ട മെമ്പർ | ELECTION 2025

കോട്ടയം പിടിച്ചെടുക്കുവാൻ മാണി ഗ്രൂപ്പ് സ്ഥാനാർത്ഥികൾ ഇറങ്ങി.. | ELECTION 2025 | #josekmani | Vote

മയക്കുമരുന്ന്, മണ്ണ്-പാറമട ലോബികൾക്ക് എതിരെ ദീർഘവീക്ഷണമുള്ള പദ്ധതികളുമായി BJP സ്ഥാനാർഥി സതീഷ് KB

 വാർത്തകൾ 💬 നേരത്തെ അറിയൂ .. എല്ലാവരിലേക്കും എത്തിക്കൂ SUBCRIBE         
ഡെയ്‌ലി മലയാളി  ന്യൂസ്,  www.dailymalayaly.com വാർത്തകൾ 💬 അയയ്ക്കാൻ | ☎: +918921123196  +918606657037  പരസ്യങ്ങൾക്ക് | ☎: +918921123196  +918606657037 | 📩 : dailymalayalyinfo@gmail.com

buttons=(Accept !) days=(20)

Our website uses cookies to enhance your experience. Learn More
Accept !