പാടുതാക്കുളത്തിൽ വീണ് 7 വയസുകാരന് ദാരുണാന്ത്യം

കട്ടപ്പന: കഴിഞ്ഞ കുറച്ചു ദിവസങ്ങളായി പത്ത് വയസ്സിൽ താഴെയുള്ള കുട്ടികളുടെ മുങ്ങി മരണ വാർത്തകളാണ് മാധ്യമങ്ങളിൽ നിറയുന്നത്.

അവധിക്കാലം ആയതുകൊണ്ട് തന്നെ കുട്ടികൾ കളിക്കാനായി പുറത്തിറങ്ങുമ്പോഴും മാതാപിതാക്കളുടെയോ മുതിർന്നവരുടെയോ ശ്രദ്ധ വേണം. 

അതിദാരുണമായ വാർത്തയാണ് ഇടുക്കിയിൽ നിന്നും വരുന്നത്. ഇരട്ടയാർ ഇടിഞ്ഞമലയിൽ ഏഴ് വയസുകാരൻ പടുത കുളത്തിൽ വീണു മരിച്ചു.

താണുവേലിൽ റോബിൻ - അശ്വതി ദമ്പതികളുടെ മകൻ ദാവിദ് റയാൻ (7) ആണ് മരിച്ചത്. വെള്ളിയാഴ്ച വൈകുന്നേരം നാല് മണിയോടെ കുട്ടിയെ കാണാതാവുകയായിരുന്നു. തുടർന്ന് നടത്തിയ തിരച്ചിലിലാണ് വീടിന് സമീപത്തെ പടുതാകുളത്തിൽ കണ്ടെത്തിയത്. 

ഉടൻ തന്നെ തങ്കമണിയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.