ഈരാറ്റുപേട്ട തിടനാട് കെഎസ്ആർടിസിബസ് അപകടത്തിൽ പെട്ട് പത്തോളം പേർക്ക് പരിക്ക്.

ഈരാറ്റുപേട്ട: തിടനാട് അമ്പലം ഹെൽത്ത് സെന്ററിന് സമീപം കെഎസ്ആർടിസി ബസ് അപകടത്തിൽപ്പെട്ട് പത്തോളം പേർക്ക് പരിക്ക്.

ഇന്ന് വൈകിട്ട് നാലുമണിയോടെ തിടനാട് അമ്പലം ജംഗ്ഷനിൽ എറണാകുളത്തുനിന്നും കുമിളിക്ക് പോകുകയായിരുന്ന ബസാണ് അപകടത്തിൽ പെട്ടത്. 

മഴയെ തുടർന്ന് റോഡിൽ നിന്ന് ബസ് തെന്നി നീങ്ങി സമീപത്തെ മരത്തിൽ ഇടിച്ചാണ് അപകടം സംഭവിച്ചത്. അമിത വേഗതയാണ് അപകട കാരണമെന്ന് പ്രദേശ വാസികൾ പറയുന്നു.

സംഭവത്തെ തുടർന്ന് തിടനാട് പോലീസും ഈരാറ്റുപേട്ടയിൽ നിന്ന് ഫയർഫോഴ്‌സും സ്ഥലത്തെത്തി പ്രദേശവാസികളും ചേർന്ന് പരിക്കേറ്റവരെ അടുത്തുള്ള ആശുപത്രിയിൽ പ്രവേശിപ്പിച്ചു.