ആന്ധ്ര മുഖ്യമന്ത്രിക്ക് നേരെ കല്ലേറ്; നെറ്റിയില്‍ പരിക്കേറ്റു, ആക്രമിച്ചത് തെറ്റാലി കൊണ്ട്,,

അമരാവതി: ആന്ധ്ര പ്രദേശ് മുഖ്യമന്ത്രി ജഗന്‍ മോഹന്‍ റെഡ്ഡിക്ക് നേരെ കല്ലേറ്. വിജയവാഡയില്‍ തെരഞ്ഞെടുപ്പ് പ്രചാരണത്തിന്റെ ഭാ​ഗമായി നടത്തിയ റോഡ് ഷോയ്ക്കിടെയായിരുന്നു ആക്രമണം.

ആള്‍ക്കൂട്ടത്തിനിടയില്‍ നിന്ന് തെറ്റാലി കൊണ്ട് കല്ലെറിയുകയായിരുന്നു.

ആക്രമണത്തിൽ ജഗന്‍ മോഹന്‍ റെഡ്ഡിയുടെ തലയ്ക്ക് പരിക്കേറ്റു. എന്നാൽ മുറിവ് ​ഗുരുതരമല്ലെന്ന് ഡോക്ടർമാർ അറിയിച്ചു. യാത്ര പിന്നീട് പുനരാംഭിച്ചു. ആക്രമണത്തിന് പിന്നില്‍ ടിഡിപി എന്ന് വൈഎസ്ആര്‍ കോണ്‍ഗ്രസ് ആരോപിച്ചു.