ഇടതുപക്ഷജനാധിപത്യ മുന്നണി സംസ്ഥാനത്തെ 20 മണ്ഡലങ്ങളിലും വിജയിക്കുമെന്ന പ്രതീക്ഷയിലാണ് ഉള്ളതെന്ന് എം എം മണി

ഇടുക്കി: ലോക്സഭാ തെരഞ്ഞെടുപ്പിൽ ഇടതുപക്ഷജനാധിപത്യ മുന്നണി സംസ്ഥാനത്തെ 20 മണ്ഡലങ്ങളിലും വിജയിക്കുമെന്ന പ്രതീക്ഷയിലാണ് ഉള്ളതെന്ന് ഉടുമ്പൻചോല എം എൽ എ എം എം മണി.

ഇരുപതേക്കർ സെർവിന്ത്യാ എൽ പി സ്കൂളിലെ ബൂത്തിൽ വോട്ട് രേഖപ്പെടുത്തിയ ശേഷം മാധ്യമങ്ങളോട് പ്രതികരിക്കുകയായിരുന്നു എംഎം മണി. അതേ സമയം ഇ പി ജയരാജനെ സംബന്ധിച്ച വിവാദങ്ങളിൽ പ്രതികരിക്കാൻ മണി തയ്യാറായില്ല. 

ഇടുക്കിയിൽ ജോയ്‌സ് ജോർജ് വൻ ഭൂരിപക്ഷത്തിൽ ജയിക്കുമെന്നും മോദി സർക്കാരിനെ താഴെ ഇറക്കാൻ ഇടതു മുന്നണി ഇന്ത്യ സഖ്യത്തിനൊപ്പമാണെന്നും എം എം മണി പറഞ്ഞു.