വയനാട്: നാമനിര്ദേശപത്രിക സമര്പ്പിക്കുന്നതിനായി രാഹുല്ഗാന്ധി ബുധനാഴ്ച്ച വയനാട്ടിലെത്തും.
പത്രികാസമര്പ്പണത്തിന് മുന്നോടിയായി കല്പ്പറ്റ ടൗണില് രാഹുല്ഗാന്ധിയുടെ നേതൃത്വത്തില് റോഡ്ഷോ നടക്കും. മാനന്തവാടി, സുല്ത്താന്ബത്തേരി, കല്പ്പറ്റ, ഏറനാട്, വണ്ടൂര് നിലമ്പൂര്, തിരുവമ്പാടി എന്നീ ഏഴ് നിയോജകമണ്ഡലങ്ങളിലെ ആയിരക്കണക്കിന് പ്രവര്ത്തകരാണ് റോഡ്ഷോയില് അണിനിരക്കുക.
കെപിസിസി പ്രസിഡന്റ് കെ സുധാകരന്, രമേശ് ചെന്നിത്തല, പി കെ കുഞ്ഞാലിക്കുട്ടി, അബ്ബാസലി ശിഹാബ് തങ്ങള് ഉള്പ്പെടെയുള്ള നേതാക്കള് റോഡ്ഷോയുടെ ഭാഗമാവും. മൂപ്പൈനാട് ഗ്രാമപഞ്ചായത്തിലെ തലക്കല് ഗ്രൗണ്ടില് ഹെലികോപ്റ്ററില് വന്നിറങ്ങുന്ന രാഹുല്ഗാന്ധി അവിടെ നിന്നും റോഡ് മാര്ഗം റോഡ് ഷോ ആരംഭിക്കുന്ന കല്പ്പറ്റ പുതിയ ബസ്റ്റാന്റിലെത്തും.
തുടര്ന്ന് സിവില്സ്റ്റേഷന് പരിസരത്ത് റോഡ് ഷോ അവസാനിപ്പിച്ച ശേഷമായിരിക്കും ഭരണാധികാരി കൂടിയായ ജില്ലാകളക്ടര് രേണുരാജിന് രാഹുല്ഗാന്ധി നാമനിര്ദേശ പത്രിക സമര്പ്പിക്കുക. കേരളത്തിലെ 20 മണ്ഡലങ്ങളിലേക്കുമുള്ള മാസ് ക്യാമ്പയിന്റെ തുടക്കമായിരിക്കും രാഹുല്ഗാന്ധിയുടെ നേതൃത്വത്തില് കല്പ്പറ്റയില് നടക്കുന്ന റോഡ്ഷോയെന്ന് നേതാക്കള് പറഞ്ഞു.
വാര്ത്താസമ്മേളനത്തില് തിരഞ്ഞെടുപ്പ് കമ്മിറ്റി കണ്വീനര് എ പി അനില്കുമാര്, വര്ക്കിംഗ് ചെയര്മാന് സി പി ചെറിയ മുഹമ്മദ്, ട്രഷറര് എന് ഡി അപ്പച്ചന്, കെപിസിസി വര്ക്കിംഗ് പ്രസിഡന്റ് അഡ്വ. സിദ്ധിഖ് എംഎല്എ, യുഡിഎഫ് ജില്ലാ ചെയര്മാന് കെ കെ അഹമ്മദ്ഹാജി, തുടങ്ങിയവര് സംസാരിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.