മുല്ലപെരിയാർ ഡാം ഡീ കമ്മീഷൻ ചെയ്യുക,റെഡ് അലർട്ട് സംഗമം സംഘടിപ്പിക്കും : അലോഷ്യസ് കൊള്ളന്നൂർ

കൊച്ചി : മുല്ലപ്പെരിയാർ ഡാം ഡി കമ്മിഷൻ ചെയ്യണമെന്ന് ആവശ്യപ്പെട്ട് എസ്ഡിപിഐ മുല്ലപ്പെരിയാർ സമരസമിതി റെഡ് അലർട്ട് എന്ന പേരിൽ സംഗമം സംഘടിപ്പിക്കുമെന്ന് മുല്ലപ്പെരിയാർ സമരസമിതി ചെയർമാൻ അലോഷ്യസ് കൊള്ളന്നൂർ അറിയിച്ചു.

2024 മാർച്ച്‌ 9 ശനിയാഴ്ച വൈകീട്ട് 4ന് എറണാകുളം ഹൈക്കോർട്ട്  ജങ്ഷനിൽ മുല്ലപ്പെരിയാർ ഡാം ബന്ധപ്പെട്ട് പഠനം നടത്തിയ ജനകീയ കൂട്ടായ്മകളുടെ പ്രതിനിധികളും നേതാക്കളും പങ്കെടുക്കും. എസ്ഡിപിഐ സംസ്ഥാന സമിതി അംഗം വി എം ഫൈസൽ സംഗമം ഉദ്ഘാടനം ചെയ്യുമെന്നും അദ്ദേഹം അറിയിച്ചു.

മാറി മാറി വരുന്ന സർക്കാരുകൾ മുല്ലപെരിയാർ ഡാം ഉയർത്തുന്ന സുരക്ഷ ഭീഷണി അവഗണി ക്കുകയാണ്. അഞ്ചു ജില്ലകളിലെ ജനങ്ങളുടെ ജീവൻ വച്ചുള്ള പന്തുകളി അവസാനിപ്പിക്കണം.

ഡാം ഉയർത്തുന്ന അപകട തീവ്രത ജനങ്ങളിലേക്ക് എത്തിക്കുന്നതിനും പരിഹാരം നിർദേശിക്കുന്നതിനും ജനങ്ങളെ സമരസജ്ജമാക്കുന്നതിനുമാണ് പരിപാടി സംഘടിപ്പിച്ചിട്ടുള്ളതെന്നും അദ്ദേഹം കൂട്ടിച്ചേർത്തു.