നിങ്ങളുടെ രാഷ്ട്രീയ നേട്ടത്തിനായി സവര്‍ക്കറെ അവഹേളിക്കരുത്: രാഹുല്‍ ഗാന്ധിക്കെതിരെ രഞ്ജിത് സവര്‍ക്കര്‍,

ഡല്‍ഹി: രാഷ്ട്രീയ നേട്ടങ്ങള്‍ക്കായി സവർക്കറെ കോണ്‍ഗ്രസ് നിരന്തരം അവഹേളിക്കുന്നതായി വിനായക് ദാമോദർ സവർക്കറുടെ ചെറുമകൻ രഞ്ജിത് സവർക്കർ.

കോണ്‍ഗ്രസിന്റെ പണ്ട് മുതലേയുള്ള കീഴ് വഴക്കമാണിതെന്നും അദ്ദേഹം പറഞ്ഞു. സവർക്കറിനെതിരെ രാഹുല്‍ ആക്ഷേപകരമായ പരാമർശം തുടർന്നാല്‍ ചെരുപ്പ് കൊണ്ട് അടിക്കണമെന്ന് പറഞ്ഞവർ ഇന്ന് രാഹുലിനൊപ്പമാണെന്നും രഞ്ജിത് സവർക്കർ പറഞ്ഞു.

സവർക്കർ-ജിയെ അപമാനിച്ച രാഹുല്‍ ഗാന്ധിയെ ചെരിപ്പുകൊണ്ട് അടിക്കണമെന്ന് 2019-ല്‍ ഉദ്ധവ് താക്കറെ പറഞ്ഞത് ഞാൻ ഓർക്കുന്നു. എന്നാല്‍ ഇന്ന് അദ്ദേഹം രാഹുലിനൊപ്പം ചേർന്ന് എൻ്റെ മുത്തച്ഛനെക്കുറിച്ച്‌ അശ്ലീലവും അപമാനകരവുമായ പരാമർശങ്ങള്‍ നടത്തുകയാണ്. ഇന്ത്യാ ബ്ലോക്കിലെ മറ്റ് നേതാക്കളും ഇത് ആവർത്തിക്കുന്നു"-രഞ്ജിത് സവർക്കർ പറഞ്ഞു.'

രാഷ്ട്രീയത്തിനായി സവർക്കർ-ജിയെ അപമാനിക്കുന്നത് തെറ്റാണ്, ജനങ്ങള്‍ തെരഞ്ഞെടുപ്പില്‍ ഇതിന് മറുപടി നല്‍കും. ഈ പ്രസ്താവനകളോടുള്ള പൊതു പ്രതികരണം മഹാരാഷ്ട്രയില്‍ നമ്മള്‍ കണ്ടുകഴിഞ്ഞു. ജനങ്ങള്‍ക്ക് കോണ്‍ഗ്രസിനോടുള്ള എതിർപ്പ് വർധിച്ചുവരികയാണ്’- രഞ്ജിത് സവർക്കർ കൂട്ടിച്ചേർത്തു.