നോർത്ത് പറവൂർ : ഗ്യാൻവ്യാപി മസ്ജിദിൽ പൂജ നടത്താൻ അനുമതി നൽകിയ അന്യായ വിധിക്കെതിരെ 1991 ലെ ആരാധനാലയ നിയമം നടപ്പിലാക്കുക, ബാബരി ധ്വംസനം ആവർത്തിക്കരുത് എന്നീ ആവശ്യങ്ങൾ ഉന്നയിച്ചു എസ്ഡിപിഐ പറവൂരിൽ പ്രതിഷേധ പ്രകടനം നടത്തി.
ചേന്ദമംഗലം കവലയിൽ നിന്നും ആരംഭിച്ച പ്രകടനം പറവൂർ അൽ ഫലാഹ് കോർണറിൽ സമാപിച്ചു. തുടർന്ന് പറവൂർ മണ്ഡലം പ്രസിഡന്റ് നിസാർ അഹമ്മദ് പ്രതിഷേധത്തെ അഭിസംബോധന ചെയ്തു കൊണ്ട് സംസാരിച്ചു.
ഭരണഘടനയെയും പാർലമെൻ്റ് പാസാക്കിയ നിയമങ്ങളെയും അവഗണിച്ച് അന്യായമായ വിധികൾ കൊണ്ട് നാട് കലുഷിതമാക്കുന്ന സംഘപരിവാർ ഏറാൻമൂളികൾക്കെതിരെ നാട്ടിൽ സമാധാനമാഗ്രഹിക്കുന്ന മുഴു സമൂഹവും പ്രതിഷേധിക്കാൻ തയ്യാറാവണമെന്ന് അദ്ദേഹം ആവശ്യപ്പെട്ടു.
മണ്ഡലം ഭാരവാഹികളായ സുധീർ അത്താണി സുൽഫിക്കർ കെ യു , എൻ എസ് അബ്ദുല്ല, മുഹമ്മദ് വാണിയക്കാട് എന്നിവർ നേതൃത്വം നൽകിയ പ്രതിഷേധത്തിൽ നിരവധി പേർ പങ്കാളികളായി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.