ഇസ്ലാമാബാദ് : പാകിസ്താനെ വീണ്ടും വിഭജിക്കുമെന്ന് താലിബാൻ . അഫ്ഗാൻ അഭയാർത്ഥികളെ പുറത്താക്കിയ പാക് നടപടിയ്‌ക്കെതിരെ സംസാരിക്കുകയായിരുന്നു താലിബാൻ മന്ത്രി ഡെപ്യൂട്ടി വിദേശകാര്യ മന്ത്രി ഷേർ മുഹമ്മദ്. അബ്ബാസ് .
1971ല്‍ വിഭജിച്ചതുപോലെ പാകിസ്താനെ വീണ്ടും താലിബാൻ വിഭജിക്കുമെന്ന് അദ്ദേഹം പറഞ്ഞു.
പാക്കിസ്ഥാനെ രണ്ടായി വിഭജിക്കും . വ്യാജ ഡ്യൂറൻഡ് ലൈനില്‍ ഞങ്ങള്‍ വിശ്വസിക്കുന്നില്ല . ഈ ലൈനിന്റെ മറുവശത്തുള്ള അഫ്ഗാനിസ്ഥാന്റെ പ്രദേശങ്ങള്‍ കൂടി ഞങ്ങള്‍ കൂട്ടിച്ചേർക്കുമെന്നും ഷെർ മുഹമ്മദ് പറഞ്ഞു
ഡ്യൂറൻഡ് ലൈൻ അതിർത്തിയില്‍ പാകിസ്താനും താലിബാൻ സേനയും തമ്മില്‍ കുറച്ചുകാലമായി അക്രമാസക്തമായ ഏറ്റുമുട്ടലുകള്‍ നടക്കുന്നുണ്ട് . അതില്‍ ധാരാളം പാക് സൈനികർക്ക് പരിക്കേറ്റു. അഫ്ഗാനിസ്ഥാനില്‍ അധികാരത്തിലെത്തിയ താലിബാൻ ഡ്യൂറൻഡ് ലൈൻ വ്യാജമാണെന്ന് കണക്കാക്കുന്നു . ഇരു രാജ്യങ്ങളും തമ്മിലുള്ള അതിർത്തിയായി അംഗീകരിക്കാൻ അവർ തയ്യാറല്ല. ഈ ലൈനിന്റെ അപ്പുറത്തും അഫ്ഗാൻ പ്രദേശമുണ്ടെന്ന് താലിബാൻ പറയുന്നു.
അഫ്ഗാൻ അഭയാർത്ഥികളെ പാകിസ്താനില്‍ നിന്ന് പുറത്താക്കിയ നടപടിക്കെതിരെ താലിബാൻ സർക്കാർ പ്രതിഷേധവുമായി രംഗത്തെത്തിയിരുന്നു. എന്നാല്‍ പാകിസ്താൻ നടപടി തുടരുകയാണ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.