ലഹരി വസ്തുക്കളുടെ വില്പന കൂടുന്നു: ബസ് സ്റ്റാൻഡിലും റെയില്‍വേ സ്റ്റേഷനിലും മിന്നല്‍ പരിശോധന നടത്തി,,

കോട്ടയം: ലഹരിവസ്തുക്കളുടെ ഉപയോഗവും, വില്പനയും തടയുന്നതിന്റെ ഭാഗമായി ജില്ലാ പൊലീസിന്റെ നേതൃത്വത്തില്‍ കോട്ടയം നാഗമ്പടം ബസ് സ്റ്റാൻഡിലും റെയില്‍വേ സ്റ്റേഷനിലും പരിസരത്തുമായി പൊലീസ് ഇന്നലെ മിന്നല്‍ പരിശോധന നടത്തി.സ്റ്റാൻഡിലെ കടകളിലും യാത്രക്കാരെയും റെയില്‍വേ സ്റ്റേഷനില്‍ വന്നിറങ്ങിയ യാത്രക്കാരെയും കേന്ദ്രീകരിച്ചായിരുന്നു പരിശോധന.

സ്റ്റാൻഡിലെ കടകളിലും പരിസരങ്ങളിലും ലഹരി വില്പന തടയുന്നതിന്റെ ഭാഗമായാണ് പരിശോധന സംഘടിപ്പിച്ചത്. ജില്ലാ പൊലീസ് മേധാവി കെ.കാർത്തിക്കിന്റെ നേതൃത്വത്തില്‍ ജില്ലാ ഡോഗ് സ്‌ക്വാഡും, ഈസ്റ്റ് പൊലീസും ചേർന്നായിരുന്നു പരിശോധന.