പാലാ പയപ്പാറിൽ വൈദ്യുതി ഉപയോഗിച്ച് മീൻ പിടിക്കുന്നതിനിടെ ഷോക്കേറ്റ് മധ്യവയസ്കന് ദാരുണാന്ത്യം

കോട്ടയം;പാലാ പയപ്പാറിൽ വൈദ്യുതി ഉപയോഗിച്ച് മീൻ പിടിക്കുന്നതിനിടെ മധ്യ വയസ്കൻ ഷോക്കേറ്റ് മരിച്ചു.പയപ്പാർ സ്വദേശി സുനിൽ കുമാർ തകരപ്പറമ്പിൽ (50) ണ് ഷോക്കേറ്റ് മരിച്ചത്.

ഇന്നലെ രാത്രി 11.30 ഓടെ സുഹൃത്തുക്കളുമായി ചേർന്ന് പയപ്പാർ അന്തിയാളം തോട്ടിൽ ബാറ്ററി ഉപയോഗിച്ച് മീൻ പിടിക്കുന്നതിനിടെയാണ് അപകടം സംഭവിച്ചത്.തുടർന്ന് സുഹൃത്തുക്കൾ സുനിലിനെ പാലായിൽ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.

സംഭവത്തെ തുടർന്ന് പാലാ പോലീസ് സ്ഥലത്തെത്തി തുടർ നടപടികൾ സ്വീകരിച്ചു.സംഭവത്തെ കുറിച്ച് വിശദമായ അന്വേഷണങ്ങൾക്ക് ശേഷം   പോസ്റ്റുമോർട്ടം ചെയ്ത് മൃതദേഹം ബന്ധുക്കൾക്ക് വിട്ടുനൽകുമെന്ന് പോലീസ് വൃത്തങ്ങൾ അറിയിച്ചു.