അരൂര്‍: പുതുവര്‍ഷത്തലേന്ന് ഇരു സംഘങ്ങള്‍ തമ്മിലുണ്ടായ സംഘട്ടനത്തില്‍ പരിക്കേറ്റ് കോട്ടയം മെഡിക്കല്‍ കോളേജാശുപത്രിയില്‍ ചികിത്സയില്‍ കഴിഞ്ഞിരുന്ന യുവാവ് മരിച്ചു.
എഴുപുന്ന പഞ്ചായത്ത് എട്ടാം വാര്‍ഡ് കൃഷ്ണകൃപയില്‍ (കാട്ടേഴത്ത്) കൃഷ്ണകുമാറിന്റെ മകന്‍ ഉണ്ണി എന്നു വിളിക്കുന്ന സുമേഷ് കൃഷ്ണന്‍ (37) ആണ് മരിച്ചത്. സംഭവത്തില്‍ നാലുപേരെ അരൂര്‍ പോലീസ് അറസ്റ്റ് ചെയ്തു.
പത്തല്‍ കൊണ്ട് തലയ്ക്ക് അടിയേറ്റ സുമേഷ് കൃഷ്ണന്‍, കുത്തേറ്റ സാജന്‍, പരിക്കേറ്റ സുരേഷ്, ഷിജു എന്നിവരെയാണ് ആശുപത്രിയില്‍ പ്രവേശിപ്പിച്ചത്. തിങ്കളാഴ്ച രാത്രിയാണ് സുമേഷ് കൃഷ്ണന്‍ മരിച്ചത്.
സംഭവത്തില്‍ എരമല്ലൂര്‍ ദേവീസദനത്തില്‍ കണ്ണന്‍ (25), നന്ദനത്തില്‍ ശരത് എന്നു വിളിക്കുന്ന ജയലാല്‍ (23), കുണ്ടേങ്ങില്‍ പ്രവീണ്‍ (25), ആലശേരില്‍ അദീഷ് (25) എന്നിവരെയാണ് അരൂര്‍ സി.ഐ. പി.എസ്. ഷിജുവിന്റെ നേതൃത്വത്തില്‍ അറസ്റ്റ് ചെയ്തത്.
ഇവരെ ബുധനാഴ്ച കോടതിയില്‍ ഹാജരാക്കും. എറണാകുളത്ത് ഇന്‍ഷുറന്‍സ് കമ്പനിയില്‍ ഓഫീസ് അസിസ്റ്റന്റായിരുന്നു മരിച്ച സുമേഷ്. അവിവാഹിതനാണ്. അമ്മ: സുമ, സഹോദരി: സുമീര.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.