സർഗക്ഷേത്ര വിമെൻസ് ഫോറംത്തിന്റെ നേതൃത്വത്തിൽ 100 കാൻസർ രോഗികൾക്ക് ചികിത്സാധനവും വിഗ്ഗും, കിറ്റും വിതരണം ചെയ്തു.

കോട്ടയം :ചങ്ങനാശ്ശേരി സർഗക്ഷേത്ര വിമെൻസ് ഫോറം തിരഞ്ഞെടുത്ത 100 കാൻസർ രോഗികൾക്ക് ചികിത്സാധനവും സ്വാഭാവിക തലമുടി ഉപയോഗിച്ചുള്ള വിഗ്ഗും കിറ്റും, വിതരണം ചെയ്തു.

അച്ചാർ നിർമാണത്തിലൂടെയും ഉദാരമതികളായ അനേകം സുമനസ്സുകളുടെയും അറുപതോളം സർഗക്ഷേത്ര വിമൻസ് ഫോറം അംഗങ്ങളുടെയും സഹകരണത്തിലൂടെയാണ് ഇതിനാവശ്യമായ ധനസമാഹരണം നടത്തിയത്.

സർഗക്ഷേത്ര വിമൻസ് ഫോറം പ്രസിഡന്റ് മിനി ജേക്കബ് അധ്യക്ഷത വഹിച്ചു. സോഷ്യൽ ആക്ടിവിസ്റ്റായ ദയാഭായി ഉദ്ഘാടനവും ചികിത്സാസഹായ വിതരണവും നിർവഹിച്ചു.

നിഷാ ജോസ് കെ.മാണി മുഖ്യാതിഥിയായി. വാഴപ്പള്ളി ഗ്രാമപ്പഞ്ചായത്ത് പ്രസിഡന്റ് മിനി വിജയകുമാർ, സർഗക്ഷേത്ര ഡയറക്ടർ ഫാ. അലക്‌സ് പ്രായിക്കളം, വിമൻസ് ഫോറം സെക്രട്ടറി മഞ്ജു ബിജോയ്,

പ്രോഗ്രാം കോ-ഓർഡിനേറ്റർ എൽസമ്മ കോട്ടപ്പുറം, ബീനാ ജോസ്, റെനി സുനിൽ, ടെസി സെബാസ്റ്റ്യൻ എന്നിവർ പ്രസംഗിച്ചു.