ഈരാറ്റുപേട്ട: പശുവിനെ മോഷ്ടിച്ച് കശാപ്പ് ചെയ്ത കേസിൽ രണ്ടുപേരെ പോലീസ് അറസ്റ്റ് ചെയ്തു.
ഈരാറ്റുപേട്ട നടക്കൽ ഭാഗത്ത് കോക്കാട്ട് വീട്ടിൽ ഷാഹിദ് (30), ഈരാറ്റുപേട്ട അരുവിത്തുറ തെക്കേക്കര ഭാഗത്ത് കൊച്ചുവീട്ടിൽ സഹൽ കെ.എൽ (23) എന്നിവരെയാണ് ഈരാറ്റുപേട്ട പോലീസ് അറസ്റ്റ് ചെയ്തത്.
ഇവർ കഴിഞ്ഞദിവസം ഈരാറ്റുപേട്ട അരുവിത്തുറ കോളേജ് ഭാഗത്ത് നിന്നും ഒരു ലക്ഷം രൂപ വില വരുന്ന HF ഇനത്തിൽപ്പെട്ട പശുവിനെ മോഷ്ടിക്കുകയായിരുന്നു. കോളേജിന്റെ സമീപത്തെ പറമ്പിൽ കെട്ടിയിട്ടിരുന്ന പശുവിനെ ഇവർ ഇരുവരും ചേർന്ന് മൂന്നാം തീയതി വെളുപ്പിനെ അഴിച്ചെടുത്ത് പശുവിനെ ഓപ്പൺ ലോറിയിൽ കയറ്റി കടന്നുകളയുകയായിരുന്നു.തുടർന്ന് പശുവിനെ ഷാഹിന്റെ അറവുശാലയിൽ എത്തിച്ച് കശാപ്പ് ചെയ്ത് വിൽപ്പന നടത്തുകയും ചെയ്തു. പരാതിയെ തുടർന്ന് ഈരാറ്റുപേട്ട പോലീസ് കേസ് രജിസ്റ്റർ ചെയ്യുകയും, തുടർന്ന് നടത്തിയ ശാസ്ത്രീയമായ പരിശോധനയിൽ മോഷ്ടാക്കളെ തിരിച്ചറിയുകയും ഇവരെ പിടികൂടുകയുമായിരുന്നു.
ഈരാറ്റുപേട്ട സ്റ്റേഷൻ എസ്.ഐ വിഷ്ണു. വി,വി, ഷാബു മോൻ ജോസഫ്, എ.എസ്.ഐ ജിനു കെ. ആർ, സി.പി.ഓ ജോബി ജോസഫ് എന്നിവർ ചേർന്നാണ് ഇരുവരെയും അറസ്റ്റ് ചെയ്തത്. കോടതിയിൽ ഹാജരാക്കിയ ഇവരെ റിമാൻഡ് ചെയ്തു.






.jpg)








ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.