മുഖ്യമന്ത്രിയും മന്ത്രിമാരും സഞ്ചരിച്ച ബസ്സിന്‌ കരിങ്കൊടി കാണിച്ച യൂത്ത് കോൺഗ്രസ് പ്രവർത്തകരെ മർദിച്ച കേസിൽ റിമാന്റിലായി ജാമ്യം കിട്ടിയ ഡിവൈഎഫ്ഐ പ്രവർത്തകർക്കു സ്വീകരണം നൽകി

കണ്ണൂർ: നവകേരള സദസ്സിനിടെ മുഖ്യമന്ത്രി, മന്ത്രിമാർ എന്നിവർ സഞ്ചരിച്ച ബസിന് കരിങ്കൊടി കാട്ടിയ യൂത്ത് കോൺഗ്രസ് നേതാക്കളെ ആക്രമിച്ച കേസിൽ റിമാൻഡിലായി ജാമ്യം കിട്ടിയ ഡിവൈഎഫ്ഐ പ്രവർത്തകർക്കു സ്വീകരണം നൽകി സിപിഎം.

നവകേരള സദസ്സുമായി ബന്ധപ്പെട്ട സംഘർഷത്തിൽ പഴയങ്ങാടിയിൽ അറസ്റ്റിലായ ഡിവൈഎഫ്ഐ പ്രവർത്തകരായ കെ.പി.അർജുൻ, അതുൽ കണ്ണൻ, എം.അനുരാഗ്, പി.പി.സതീശൻ എന്നിവർക്കാണ് ജാമ്യം ലഭിച്ചത്.

മാടായി ഏരിയ കമ്മിറ്റിയുടെ നേതൃത്വത്തിൽ നൽകിയ സ്വീകരണത്തിൽ കല്യാശേരി എംഎൽഎ എം.വിജിയൻ ഉൾപ്പെടെയുള്ളവരും പങ്കെടുത്തു.

സഖാക്കളുടെ അനുഭവങ്ങൾ മുന്നോട്ടുള്ള പ്രവർത്തനത്തിൽ കരുത്താകുമെന്നും അവരെ ഹൃദയത്തോട് ചേർക്കുന്നതായും വിജിൻ പ്രസംഗത്തിൽ പറഞ്ഞു.