കോട്ടയം : എൽ ഡി എഫിന്റെ നേത്യത്വത്തിൽ ഇന്ന് കോട്ടയത്ത് നടന്ന റബർ കർഷക സംഗമം പൊറാട്ട് നാടകമാണെന്ന് യുഡിഎഫ് കോട്ടയം ജില്ലാ ചെയർമാൻ സജി മഞ്ഞക്കടമ്പിൽ കുറ്റപ്പെടുത്തി.
എൽഡിഎഫിന്റെ റബർ കർഷക സംഗമം എന്ന പേരിൽ റബർ കൃഷിക്കാരെ അപമാനിക്കുകയാണ് ചെയ്തിരിക്കുന്നതെന്നും സജി പറഞ്ഞു.
യുഡിഎഫ് സർക്കാർ റബർ കൃഷിക്കാർക്ക് വേണ്ടി തുടക്കം കുറിച്ച റബർ വില സ്ഥിരതഫണ്ട് പോലും നൽകാത്ത സംസ്ഥാന സർക്കാർ കേന്ദ്രത്തെ കുറ്റം പറഞ്ഞ് റബർ കൃഷിക്കാരുടെ മുന്നിൽ പുറം തിരിഞ്ഞു നിൽക്കുകയാണെന്നും സജി ആരോപിച്ചു.
റബറിന് ഉല്പാദന ചിലവായ ഇരുന്നൂറ് രൂപാ പോലും ലഭിക്കാത്ത സാഹചര്യത്തിൽ ഷെയിഡ് ഇടാൻ സർക്കാർ പ്രഖ്യാപിച്ച സബ്സിഡി പോലും നൽകാതെ ഇടതുപക്ഷം നടത്തുന്ന നാടകം അപഹാസ്യമാണെന്നും സജി കൂട്ടി ചേർത്തു.
ജനസദസുമായി കോട്ടയത്ത് എത്തുന്ന മുഖ്യമന്ത്രി റബർ കർഷകരോട് ആത്മാർത്ഥത ഉണ്ടെങ്കിൽ വാഗ്ദാനങ്ങൾ പാലിക്കുവാനും , അനുകൂല്യങ്ങൾ വിതരണം ചെയ്യുവാനും തയാറകണമെന്നും സജി ആവശ്യപ്പെട്ടു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.