കപ്പൽ പ്രോഗ്രാമിൽ കിൽത്താൻ ദ്വീപിനോടുള്ള അവഗണന മനുഷ്യാവകാശ കമ്മീഷനിൽ പരാതി നൽകി കിൽത്താൻ യൂത്ത് കോൺഗ്രസ് പ്രസിഡണ്ട് ജലീൽ.

നിസാം ലക്ഷദ്വീപ് ✍️

ലക്ഷദ്വീപ് : കഴിഞ്ഞ 27 തീയതിക്ക് ശേഷം ഇതുവരെ കിൽത്താൻ, ചെത്തലത്ത്, ബിത്രാ ദ്വീപുകളിലേക്ക് ദ്വീപുകളിലേക്ക് ഒരുപാട് തവണ ആവശ്യപ്പെട്ടിട്ടും തുറമുഖ വകുപ്പ് കപ്പൽ പ്രോഗ്രാമുകൾ അനുവദിച്ചിട്ടില്ല. രോഗികളും വിദ്യാർത്ഥികളും അടക്കം നൂറുകണക്കിന് ആളുകളാണ് കപ്പൽ പ്രോഗ്രാം ഇല്ലാതെ വൻകരയിൽ കുടുങ്ങിക്കിടക്കുന്നത്.

ഈ ദ്വീപുകളിൽ ഭക്ഷണസാധനങ്ങൾക്ക് പോലും ക്ഷാമം നേരിട്ടിരിക്കുകയാണ് എന്നിട്ടും കപ്പൽ പ്രോഗ്രാം അനുവദിക്കാതിരിക്കുന്ന പോർട്ട് വകുപ്പിന്റെ അവഗണിക്കെതിരെയാണ് കിൽത്തൻ യൂത്ത് കോൺഗ്രസ് പ്രസിഡണ്ടും സാമൂഹ്യ പ്രവർത്തകനുമായ കെ പി. അഹമ്മദ് അബ്ദുൽ ജലീൽ മനുഷ്യാവകാശ കമ്മീഷനെ സമീപിച്ചിരിക്കുന്നത്.

ജനങ്ങൾ അനുഭവിക്കുന്ന ദുരിതം മനസ്സിലാക്കി വിഷയത്തിൽ മനുഷ്യാവകാശ കമ്മീഷൻ ഇടപെടണമെന്ന് ആവശ്യപ്പെട്ടാണ് പരാതി.