സ്വകാര്യ കമ്പനി സ്ഥാപിച്ച പൈപ്പുകളിൽ നിന്ന് അമോണിയം ചോർന്നു.. വിഷ വാതകം ശ്വസിച്ചു 30 ൽ അധികം പ്രദേശ വാസികൾ കുഴഞ്ഞു വീണു

ചെന്നൈ: ചെന്നൈ എണ്ണൂരിൽ അമോണിയം ചോർച്ച. കൊറോമൻഡൽ എന്ന സ്വകാര്യ കമ്പനി സ്ഥാപിച്ച പൈപ്പുകളിൽ നിന്നാണ് അമോണിയം ചോർന്നത്.

വിഷ വാതകം ശ്വസിച്ച 30ൽ അധികം പ്രദേശവാസികൾ കുഴഞ്ഞു വീണു. ഇവർ ആശുപത്രിയിലാണ്. ഇവരിൽ രണ്ടു പേർ തീവ്രപരിചരണ വിഭാഗത്തിലാണ്. വളം നിർമ്മാണ കമ്പനിയിലെ ചെന്നൈ എണ്ണൂരിലെ യൂണിറ്റിൽ ചൊവ്വാഴ്ച രാത്രിയോടെയാണ് ചോർച്ചയുണ്ടായത്.

രാത്രി പതിനൊന്നേ മുക്കാലോടെയുണ്ടായ ഗ്യാസ് ലീക്കിന് പിന്നാലെ പ്രദേശം മുഴുവൻ ദുർഗന്ധം വമിച്ചു. പെരിയ കുപ്പം മേഖലയിലെ താമസക്കാരെയാണ് ഗ്യാസ് ലീക്ക് സാരമായി ബാധിച്ചത്.