17 കാരിയായ സഹോദരിയെ പീഡിപ്പിച്ചെന്ന കേസില്‍ 19 കാരനായ സഹോദരൻ അറസ്റ്റില്‍,

കാഞ്ഞങ്ങാട്:  പ്രായപൂര്‍ത്തിയാകാത്ത സഹോദരിയെ പീഡിപ്പിച്ചെന്ന കേസില്‍ സഹോദരനെ പൊലീസ് പിടികൂടി.

ഹൊസ്ദുര്‍ഗ് പൊലീസ് സ്റ്റേഷൻ പരിധിയില്‍ താമസിക്കാരിയായ 17കാരിയെ 19 കാരനായ സഹോദരൻ പീഡിപ്പിച്ചെന്നാണ് കേസ്. ഇക്കഴിഞ്ഞ മൂന്നാം തീയതിയാണ് കേസിനാസ്പദമായ സംഭവം നടന്നത്. പെണ്‍കുട്ടി ബന്ധുക്കളോട് വിവരം പറഞ്ഞതിനെ തുടര്‍ന്ന് ചൈല്‍ഡ് ലൈനില്‍ വിവരമറിയിക്കുകയായിരുന്നു.

തുടര്‍ന്ന് ചൈല്‍ഡ് ലൈൻ കൗണ്‍സിലിംഗ് നടത്തിയതിൻ്റെ അടിസ്ഥാനത്തില്‍ പെണ്‍കുട്ടിയുടെ മൊഴിരേഖപ്പെടുത്തിയ പൊലീസ് പോക്സോ നിയമപ്രകാരം കേസെടുക്കുകയായിരുന്നു. ഇതിന് പിന്നാലെയാണ് സഹോദരനെ ഹൊസ്ദുര്‍ഗ് ഇൻസ്പെക്ടര്‍ കെ പി ഷൈൻ അറസ്റ്റ് ചെയ്തത്. പ്രതിയെ കോടതിയില്‍ ഹാജരാക്കി റിമാൻഡ് ചെയ്തു.