കുത്തേറ്റ മൂന്ന് കുട്ടികളിൽ രണ്ട് പേർ ആശുപത്രി വിട്ടു; പരിക്കേറ്റ മൂന്നാമത്തെ കുട്ടി അതീവ ഗുരുതരാവസ്ഥയിൽ;ഈ മൂന്ന് പേർ ആണ് ഇപ്പോൾ കത്തിഅക്രമണത്തെ നേരിട്ട ധീരന്മാർ; രക്ഷകൻ Caio Benicio യ്ക്ക് ഗിന്നസ് പൈന്റ് വാങ്ങാൻ പിരിച്ചത് 317,000 ലധികം യൂറോ

പാർനെൽ സ്‌ക്വയറിലെ കുത്തേറ്റ മൂന്ന് കുട്ടികളിൽ രണ്ട് പേർ ഇപ്പോൾ ആശുപത്രി വിട്ടു. ക്രംലിൻ ചിൽഡ്രൻസ് ഹോസ്പിറ്റലിൽ കൊണ്ടുപോയ അഞ്ചുവയസ്സുകാരി ചികിത്സയെ  തുടർന്ന് വീട്ടിലേക്ക് മടങ്ങി. അഞ്ച് വയസ്സുള്ള ഒരു ആൺകുട്ടിയും ഇതേ ആശുപത്രിയിൽ നിന്ന് നേരത്തെ ഡിസ്‌ചാർജ് ചെയ്യപ്പെട്ടിരുന്നു.

ആക്രമണത്തിൽ പരിക്കേറ്റ മൂന്നാമത്തെ കുട്ടി ആശുപത്രിയിൽ ഗുരുതരാവസ്ഥയിൽ തുടരുകയാണ്. ആക്രമണത്തിൽ പരിക്കേറ്റ മൂന്നാമത്തെ കുട്ടിയേക്കാൾ ഗുരുതരമല്ലാത്ത പരിക്കാണ് രണ്ട് കുട്ടികൾക്കും ഉണ്ടായത്. ടെമ്പിൾ സ്ട്രീറ്റ് ഹോസ്പിറ്റലിൽ അവൾ അതീവ ഗുരുതരാവസ്ഥയിൽ തുടരുകയാണ്. 

സംഭവത്തിൽ രണ്ട് മുതിർന്നവർക്ക് പരിക്കേറ്റു. 30 വയസ്സുള്ള ഒരു സ്ത്രീയും 40 വയസ്സുള്ള ഒരു പുരുഷനും ഡബ്ലിൻ ആശുപത്രികളിൽ ഗുരുതരവും എന്നാൽ സ്ഥിരതയുള്ളതുമായ നിലയിലാണ്.

ഗാർഡ വക്താവ്  പറഞ്ഞു: "CHI ടെമ്പിൾ സ്ട്രീറ്റിൽ 5 വയസ്സുള്ള പെൺകുട്ടി ഗുരുതരാവസ്ഥയിലാണ്. 30 വയസ്സുള്ള പ്രായപൂർത്തിയായ സ്ത്രീ ഗുരുതരവും എന്നാൽ സ്ഥിരതയുള്ളതുമായ അവസ്ഥയിൽ മാറ്റർ ഹോസ്പിറ്റലിലാണ്."

"ഡബ്ലിനിലെ ഒരു ഏരിയാ ഹോസ്പിറ്റലിൽ 40 വയസ്സിന് മുകളിലുള്ള ഒരാൾ  ഗുരുതരവും എന്നാൽ സ്ഥിരതയുള്ളതുമായ നിലയിലാണ്. മറ്റെല്ലാ വ്യക്തികളും ആശുപത്രിയിൽ നിന്ന് ഡിസ്ചാർജ് ചെയ്യപ്പെട്ട് അവരുടെ കുടുംബങ്ങളുടെ പരിചരണത്തിലേക്ക് മടങ്ങി."

ഏയ്ഒ  ബെനിസിയോ, അലൻ ലോറൻ-ഗില്ലെ, വാറൻ ഡോണോഹോ

ഏയ്ഒ  ബെനിസിയോ, അലൻ ലോറൻ-ഗില്ലെ, വാറൻ ഡോണോഹോ ഈ മൂന്ന് പേർ ആണ്  കത്തിഅക്രമണത്തെ നേരിട്ട ധീരന്മാർ.

വ്യാഴാഴ്ച ഉച്ചയ്ക്ക് 1.30 ന് ഡബ്ലിനിലെ പാർനെൽ സ്ക്വയറിലെ  ഭീകരമായ ആക്രമണം നടത്തുന്നതിനിടെ 17 വയസ്സുള്ള ഫ്രഞ്ച് സ്വദേശി അലൻ ലോറൻ-ഗില്ലെ ആക്രമണകാരിയെ നിരായുധനാക്കി.   റസ്റ്റോറന്റ് സോഷ്യൽ മീഡിയയിൽ പോസ്റ്റ് ചെയ്തു: "ഇത് ഞങ്ങളുടെ സ്വന്തം 17 വയസ്സുള്ള സൂപ്പർ ഹീറോ അലൻ ലോറൻ-ഗില്ലെയാണ്, ഡബ്ലിനിൽ ഇന്നലെ ജോലിക്ക് പോകുന്ന വഴിയിൽ സ്കൂൾ കുട്ടികളുടെ ആക്രമണകാരിയെ നിരായുധനാക്കിയ ധീരനായ നായകന്മാരിൽ ഒരാളാണ്.

ഡബ്ലിൻ കുത്തേറ്റ കുട്ടികളുടെ രക്ഷകനായ Caio Benicio യ്ക്കായി പിരിച്ചത് 317,000 ലധികം യൂറോ. Parnell Square ൽ മൂന്ന് കുട്ടികളെയും രണ്ട് മുതിർന്നവരെയും പരിക്കേൽപ്പിച്ച അക്രമിയെ, 43 കാരനായ Caio തന്റെ മോട്ടോർ സൈക്കിൾ ഹെൽമറ്റ് ഉപയോഗിച്ചാണ് കീഴടക്കിയത്. ബ്രസീലിയൻ പൗരനായ Caio Benicio, ഒരു വർഷം മുൻപാണ് അയർലണ്ടിൽ എത്തിയത്.

Parnell Square East ൽ കുട്ടികൾക്കെതിരായ ആക്രമണം തടയാൻ സഹായിച്ച DELIVEROO ഡ്രൈവർ ‘ഹീറോ’ Caio Benicio നായി ധനസമാഹരണം നടക്കുകയാണ്. തികച്ചും കൗതുകം നിറഞ്ഞ ആവശ്യത്തിനായാണ് പണം സ്വരൂപിക്കുന്നത്. ഗിന്നസ് പൈന്റ് വാങ്ങുകയാണ് ലക്ഷ്യം. ഇപ്പോൾ തന്നെ ഏകദേശം 317,000 യൂറോയ്ക്ക് പുറത്ത് ഫണ്ട്‌ ലഭിച്ചു കഴിഞ്ഞു. gofundme.com വഴി Paul Darcy ആണ് ഇത്തരമൊരു ക്യാമ്പയിൻ നടത്തുന്നത്. ആക്രമിയെ തടയുന്നതിൽ Caio നടത്തിയ ധീരമായ ഇടപെലിന് പാരിതോഷികമായാണ് ആളുകൾ സംഭാവനകൾ നൽകുന്നത്.

കൂടുതൽ വായിക്കാൻ ക്ലിക്ക് ചെയ്യുക : 

🔘അയർലണ്ട് തലസ്ഥാനമായ ഡബ്ലിനിൽ പ്രീ പ്രൈമറി സ്‌കൂളിൽ ഉണ്ടായ കത്തി ആക്രമണത്തിൽ മൂന്ന് കുട്ടികളടക്കം അഞ്ചുപേർക്ക് പരുക്ക് 'രണ്ടുപേരുടെ നില ഗുരുതരം 

🔘ഡബ്ലിൻ നഗരത്തിൽ പരക്കെ ജനക്കൂട്ട അക്രമം; ട്രെയിൻ, പോലീസ് കാറുകൾ എന്നിവ തകർത്തു കത്തിച്ചു, തടയാനാകാതെ പോലീസ് ; ഡബ്ലിൻ ബസ്, ലുവാസ് സർവീസുകൾ തടസ്സപ്പെട്ടു