കാട്ടാക്കടയിൽ അമിത വേഗതയിൽ എത്തിയ KSRTC ബസിടിച്ച് ബിരുദ വിദ്യാർഥിനിക്ക് ദാരുണാന്ത്യം' അപകടത്തിന് പിന്നാലെ ഡ്രൈവർ ഓടി രക്ഷപെട്ടു

തിരുവനന്തപുരം: കാട്ടാക്കടയിൽ കോളജ് വിദ്യാർഥിനി KSRTC ബസിടിച്ച് മരിച്ചു. കാട്ടാക്കട ബസ് ഡിപ്പോയിലാണ് അപകടം. അമിത വേഗതയിൽ എത്തിയ ബസ് കെട്ടിടത്തിനുള്ളിൽ നിന്ന് ഒന്നാം വർഷ ബിരുദ വിദ്യാർഥിനി അബന്യയെ ഇടിക്കുകയായിരുന്നു.

തുടർന്ന് ബസ് തൂണിൽ ഇടിച്ച് നിൽക്കുകയായിരുന്നു. അപകടത്തിന് പിന്നാലെ ഡ്രൈവർ രാമചന്ദ്രൻ നായർ ബസിൽ നിന്ന് ഇറങ്ങിയോടി. അപകടത്തിന് പിന്നാലെ വിദ്യാർഥിൾ ബസ് സ്റ്റാൻഡിൽ പ്രതിഷേധിച്ചു.