നവകേരള ബസ് ചളിയിൽ പുതഞ്ഞു; ഉന്തിയും തള്ളിയും കരകയറ്റി;

വയനാട്: നവ കേരള ബസ് ചളിയിൽ പുതഞ്ഞു. വയനാട് മാനന്തവാടിയിലാണ് സംഭവം. 

വൊക്കേഷണൽ ഹയർസെക്കൻഡറി സ്കൂൾ ഗ്രൗണ്ടിലെ നവ കേരള സദസ്സ് വേദിയുടെ സമീപത്തേക്ക് എത്തിയ മന്ത്രിമാരുടെ ബസ്സാണ് ചളിയിൽ പുതഞ്ഞത്. പോലീസുകാരും സുരക്ഷാ ഉദ്യോഗസ്ഥരും ചേർന്ന് കയറുകെട്ടി വലിച്ചും ഉന്തിയും തള്ളിയും ഒരുതരത്തിൽ  ബസ് മാറ്റി. മുഖ്യമന്ത്രിയും മന്ത്രിമാരും തിരിച്ച് പോയത് അവരവരുടെ വാഹനത്തിലാണ്.

മാനന്തവാടി ഗവ. വൊക്കേഷണൽ ഹയർസെക്കൻഡറി സ്കൂളിലെ ഗ്രൗണ്ടിലായിരുന്നു സംഭവം. മന്ത്രിമാർ ബസിൽനിന്ന് പുറത്തിറങ്ങിയ ശേഷമാണ് ബസ് കുടുങ്ങിയത്. പിന്നാലെ പൊലീസുകാരും നാട്ടുകാരും ചേർന്ന് ബസ്  കെട്ടിവലിച്ചും തള്ളിയും പുറകോട്ടു നീക്കുകയായിരുന്നു. കഴിഞ്ഞ രാത്രി പെയ്ത മഴയേത്തുടർന്നാണ് ഇവിടെ ചെളി നിറഞ്ഞത്. സംഭവത്തിൻ്റെ വിഡിയോ സോഷ്യൽ മീഡിയയിൽ വൈറലാവുകയാണ്.