'അഞ്ചുവര്‍ഷത്തേയ്ക്ക് തൃശ്ശൂര്‍ മാത്രമല്ല കേരളം കൂടി തരണം'; പറ്റുന്നില്ലെങ്കില്‍ നല്ല അടിതന്ന് വിട്ടോള്ളൂവെന്ന് സുരേഷ് ഗോപി,,

തിരുവനന്തപുരം: അഞ്ചുവര്‍ഷത്തേയ്ക്ക് തൃശ്ശൂര്‍ തന്നാല്‍ പോര കേരളം കൂടി തരണമെന്ന് നടനും ബി ജെ പി നേതാവുമായ സുരേഷ് ഗോപി.

ആ അഞ്ചുവര്‍ഷം കൊണ്ട് നിങ്ങള്‍ക്ക് സഹിക്കാൻ പറ്റുന്നില്ലെങ്കില്‍ നല്ല അടിയും തന്ന് പറഞ്ഞുവിട്ടോളൂയെന്നും അദ്ദേഹം അറിയിച്ചു. കേന്ദ്രഭരണം കെെയിലിരിക്കുമ്പോള്‍ തന്നെ നിങ്ങള്‍ കേരളവും തൃശ്ശൂരും തരണമെന്നും സുരേഷ് ഗോപി വ്യക്തമാക്കി.

എന്ത് പശ്ചാത്തലത്തിലാണ് ഇത് പറയുന്നതെന്ന് ചോദിച്ചാല്‍ ഒരഞ്ച് വര്‍ഷം അവസരം തരൂവെന്ന് ചോദിച്ച്‌ വിപ്ലവകരമായ വിജയം വരിച്ച ഒരു മനുഷ്യൻ കരുത്ത് തെളിച്ചപ്പോള്‍ ആ അഞ്ച് വര്‍ഷം കഴിഞ്ഞ് വീണ്ടും അഞ്ച് വര്‍ഷം കൂടി ലഭിച്ചു. 

ഇനി എത്ര വര്‍ഷം ലഭിക്കുമെന്ന് നോക്കാം. ആ ഒരു നട്ടെല്ലിന്റെ വിശ്വാസതിലാണ് ഇത് പറയുന്നതെന്നും അദ്ദേഹം കൂട്ടിച്ചേര്‍ത്തു.