13-കാരിയെ പീഡിപ്പിച്ച്‌ ഗര്‍ഭിണിയാക്കിയത് ഇരട്ടസഹോദരനാണെന്ന് പ്രതി; വാദം തള്ളി കോടതി, 47 വര്‍ഷം തടവ്,

ഹരിപ്പാട്: 13 വയസ്സുള്ള പെണ്‍കുട്ടിയെ പീഡിപ്പിച്ച്‌ ഗര്‍ഭിണിയാക്കിയ കേസില്‍ 22 വയസ്സുകാരനു 47 വര്‍ഷം കഠിനതടവും 1.10 ലക്ഷം രൂപ പിഴയും.

മാവേലിക്കര പെരുങ്ങാല ചേനാമ്പള്ളില്‍ നാരായണഭവനം ആനന്ദരാജിനെ ഹരിപ്പാട് അതിവേഗ കോടതിയാണു ശിക്ഷിച്ചത്. പ്രതിയുടെ അച്ഛനും അമ്മയും മരിച്ചതാണ്. അനാഥാലയത്തിലായിരുന്ന ഇയാളെ ബന്ധുവാണു സംരക്ഷിച്ചിരുന്നത്.

ഒരുവര്‍ഷത്തോളം പ്രതി പെണ്‍കുട്ടിയെ പീഡിപ്പിച്ചു. തന്റെ ഇരട്ടസഹോദരനാണു പീഡനം നടത്തിയതെന്നായിരുന്നു പ്രതിയുടെ വാദം. 

എന്നാല്‍, ഇതുകളവാണെന്നും പ്രതി ഒറ്റമകനാണെന്നും ഇരട്ടസഹോദരനില്ലെന്നും പ്രോസിക്യൂഷൻ വാദിച്ചു. ഇതംഗീകരിച്ചാണു കോടതി ശിക്ഷവിധിച്ചത്. പ്രോസിക്യൂഷനുവേണ്ടി സ്പെഷ്യല്‍ പ്രോസിക്യൂട്ടര്‍ എസ്. രഘു ഹാജരായി.