കേരള രാഷ്ട്രീയത്തില്‍ പച്ചയും ചുവപ്പും തമ്മില്‍ കലരുമോയെന്ന് കാത്തിരുന്ന് കാണാം: കെ.ടി. ജലീല്‍,

കേരള രാഷ്ട്രീയത്തില്‍ പച്ചയും ചുവപ്പും തമ്മില്‍ കലരുമോയെന്ന് കാത്തിരുന്ന് കാണാമെന്ന് കെ.ടി. ജലീല്‍ എം.എല്‍.എ.

ലീഗിന്റെ ശക്തി അറിയുന്നതിനാലാണ് സിപിഎം ആവര്‍ത്തിച്ച്‌ ക്ഷണിക്കുന്നതെന്ന രമേശ് ചെന്നിത്തലയുടെ പരാമര്‍ശത്തിന് ആയിരുന്നു ജലീലിന്റെ മറുപടി.

പച്ചകലര്‍ന്ന് ചുവപ്പിലേക്കെന്ന ആത്മകഥയുടെ പ്രകാശനത്തിനായി ഷാര്‍ജ രാജ്യാന്തര പുസ്തകമേളയില്‍ എത്തിയതായിരുന്നു ജലീല്‍. മലപ്പുറത്തെ തന്റെ ആദ്യ 25 വര്‍ഷത്തെ ജീവിതമാണ് പുസ്തകത്തില്‍ പറയുന്നത്.

സോളര്‍ കേസടക്കമുള്ള രാഷ്ട്രീയം രണ്ടാംഭാഗം പുറത്തിറങ്ങുമെന്നും അദ്ദേഹം വ്യക്തമാക്കി.പുസ്തകം സംവിധായകൻ കമല്‍,, ആ‍ര്‍.ജെ. സിന്ധുവിന് നല്‍കി പ്രകാശനം ചെയ്തു.