അന്ന് പേര് നരേൻ എന്നായിരുന്നില്ല; ഞാൻ നരനില്‍ അഭിനയിക്കുമ്പോഴാണ് അദ്ദേഹം പേര് മാറ്റിയത്: ഭാവന,

'നമ്മള്‍'എന്ന സിനിമയിലൂടെ മലയാള സിനിമാ ലോകത്തെത്തിയ നടിയാണ് ഭാവന. മികച്ച വേഷങ്ങളിലൂടെയും പ്രത്യേക ഭാഷാ ശൈലിയിലൂടെയും ആരധകര്‍ക്ക് പ്രിയങ്കരിയാണ് താരം.

നമ്മള്‍ സിനിമയ്‌ക്ക് ശേഷം ഭാവന അഭിനയിച്ച സിനിമകളൊക്കെ ആരാധകര്‍ക്ക് ഏറെ പ്രിയപ്പെട്ടതാണ്. സമൂഹമാദ്ധ്യമങ്ങളിലും ഭാവനയ്‌ക്ക് ആരാധകര്‍ ഏറെയുണ്ട്. ഇന്നിതാ നടൻ നരേനെ കുറിച്ച്‌ ഭാവന പങ്കുവെക്കുന്ന കാര്യങ്ങളാണ് ശ്രദ്ധേയപ്പെടുന്നത്.

'ഞാൻ നരനില്‍ അഭിനയിക്കുമ്പോഴാണ് അദ്ദേഹം പേര് മാറ്റിയത്. എന്റെ ആദ്യ തമിഴ് സിനിമയില്‍ നരേൻ ആയിരുന്നു നായകൻ. ആ സിനിമയില്‍ അദ്ദേഹത്തിന്റെ പേര് സുനില്‍ എന്നായിരുന്നു. ഞാൻ അന്ന് സുനില്‍ ചേട്ടാ എന്നാണ് വിളിച്ചിരുന്നത്. 

അന്ന് ഞാൻ മലയാളത്തില്‍ നരൻ സിനിമയും ചെയ്യുകയായിരുന്നു. പെട്ടെന്ന് ഒരു ദിവസം അദ്ദേഹം എന്നോട് വന്ന് പറഞ്ഞു, ഞാൻ എന്റെ പേരൊന്ന് ചെറുതായിട്ട് മാറ്റി എന്ന്. എന്നിട്ട് എന്നോട് കൊള്ളാമോ എന്നും ചോദിച്ചു'.

നരേൻ വീണ്ടും കുറെ തമിഴ് സിനിമകളൊക്കെ ചെയ്തു. അദ്ദേഹം അങ്ങനെ ആരോടും സംസാരിക്കാറില്ല. ഒരു സീനിന് മുൻപ് ഒരുപാട് തയാറെടുപ്പുകള്‍ നടത്തും. ഞാൻ അങ്ങനെയൊന്നുമല്ല. എനിക്ക് അടുത്ത സീൻ ഏതാണെന്ന് പോലും ഓര്‍മ്മയുണ്ടാവില്ല. ഒരുപാട് ഹാര്‍ഡ് വര്‍ക്ക് ചെയ്യുന്ന ഒരു നടനാണ് നരേനെന്നും ഭാവന പറഞ്ഞു.