മദ്യം കുടിപ്പിച്ചശേഷം കുപ്പി നെറ്റിയില്‍ അടിച്ചുപൊട്ടിച്ചു, പിന്നീട് ഊഴമിട്ട് പീഡിപ്പിച്ചു: ഹോട്ടല്‍ ജീവനക്കാരി ഇരയായത് കൊടുംക്രൂരതയ്ക്ക്,,

ആഗ്ര: ഹോട്ടല്‍ ജീവനക്കാരിയെ മദ്യംകൊടുത്ത് മയക്കിയശേഷം കൂട്ട‌ ബലാത്സംഗത്തിന് ഇരയാക്കിയതായി പരാതി. സംഭവവുമായി ബന്ധപ്പെട്ട് ഒരു സ്ത്രീ ഉള്‍പ്പെടെ അഞ്ചുപേര്‍ അറസ്റ്റിലായി..

ഇതില്‍ ചിലര്‍ യുവതിയുടെ സഹപ്രവര്‍ത്തകരാണെന്നാണ് റിപ്പോര്‍ട്ട്. ആഗ്രയ്ക്ക് സമീപത്തായിരുന്നു സംഭവം നടന്നത്. പീഡിപ്പിക്കുന്നതിന്റെ വീഡിയോ ദൃശ്യങ്ങള്‍ പ്രതികള്‍ പ്രചരിപ്പിക്കുന്നു എന്നും പരാതിയില്‍ യുവതി ആരോപിക്കുന്നുണ്ട്.

ബലംപ്രയോഗിച്ച്‌ മദ്യംകുടിപ്പിച്ചശേഷം മദ്യക്കുപ്പി യുവതിയുടെ നെറ്റിയില്‍ അടിച്ചുപൊട്ടിക്കുകയും ചെയ്തു. തുടര്‍ന്നായിരുന്നു കൂട്ട ബലാത്സംഗത്തിന് ഇരയാക്കിയത്. സഹായത്തിനുവേണ്ടി യുവതി നിലവിളിച്ചെങ്കിലും ആരും എത്തിയില്ലന്ന് യുവതി.

 ഇതിന്റെ വീഡിയോ സോഷ്യല്‍മീഡിയയില്‍ വ്യാപകമായി പ്രചരിക്കുന്നുണ്ട്. യുവതി നിലവിളിക്കുന്നതും ഒരാള്‍ യുവതിയെ മുറിക്കുള്ളിലേക്ക് വലിച്ചിഴച്ചുകൊണ്ടുപോകുന്നതുമാണ് വീഡിയോയിലുള്ളത്. യുവതി തന്നെയാണ് പൊലീസില്‍ പരാതി നല്‍കിയത്.

ഒന്നരവര്‍ഷമായി യുവതി ഈ ഹോട്ടലില്‍ ജോലിചെയ്യുന്നുണ്ട്. പ്രതികളുമായി എന്തെങ്കിലും പ്രശ്നമുണ്ടോ എന്ന് വ്യക്തമല്ലെന്നാണ് പൊലീസ് പറയുന്നത്. ഹോട്ടല്‍ സീല്‍ചെയ്തിട്ടുണ്ട്. യുവതിയെ വൈദ്യപരിശോധനയ്ക്ക് വിധേയയാക്കി. 

ശേഷിക്കുന്ന പ്രതികള്‍ക്കുവേണ്ടി പൊലീസ് അന്വേഷണം ആരംഭിച്ചു. അറസ്റ്റിലായവര്‍ക്കെതിരെ ബലാത്സംഗത്തിന് പുറമേ വധശ്രമത്തിനും കേസെടുത്തിട്ടുണ്ട്.