ഛത്തീസ്ഗഢ്: ഛത്തീസ്ഗഡിലെ ഗ്രാമത്തില് കൈയില് അരിവാളും തലയില് കെട്ടുമായി നെല്വയലില് രാഹുല് ഗാന്ധി.
ഛത്തീസ്ഗഢ് കോണ്ഗ്രസ് സര്ക്കാര് കര്ഷകര്ക്കായി ആവിഷ്കരിച്ച പദ്ധതികളെ കുറിച്ച് രാഹുല് സംസാരിച്ചു. ഛത്തീസ്ഗഡിലെ കോണ്ഗ്രസ് സര്ക്കാരിന്റെ കര്ഷക മാതൃക ഇന്ത്യയിലുടനീളം പിന്തുടരുമെന്ന് രാഹുല് പറഞ്ഞു.
ഛത്തീസ്ഗഡ് മുഖ്യമന്ത്രി ഭൂപേഷ് ബാഗേലും ഉപമുഖ്യമന്ത്രി ടി എസ് സിംഗ് ദിയോയും രാഹുലിനൊപ്പം ഉണ്ടായിരുന്നു. സമൂഹ മാധ്യമമായ എക്സില് കര്ഷകര്ക്കൊപ്പമുള്ള ചിത്രങ്ങള് പങ്കുവെച്ച് രാഹുല് കുറിച്ചതിങ്ങനെ
”കര്ഷകര് സന്തുഷ്ടരാണെങ്കില് ഇന്ത്യ സന്തുഷ്ടയാണ്. ഛത്തീസ്ഗഡിലെ കര്ഷകര്ക്കായി കോണ്ഗ്രസ് സര്ക്കാരിന്റെ അഞ്ച് പദ്ധതികള്, അവരെ ഇന്ത്യയില് ഏറ്റവും സന്തുഷ്ടരാക്കി മാറ്റി.
നെല്ലിന്റെ താങ്ങുവില ക്വിന്റലിന് 2,640 രൂപയാക്കി. 26 ലക്ഷം കര്ഷകര്ക്ക് 23,000 കോടി രൂപയുടെ സബ്സിഡി. 19 ലക്ഷം കര്ഷകരുടെ 10,000 കോടി രൂപയുടെ വായ്പ എഴുതിത്തള്ളി. വൈദ്യുതി ബില് പകുതിയാക്കി. 5 ലക്ഷം കര്ഷകത്തൊഴിലാളികള്ക്ക് പ്രതിവര്ഷം 7,000 രൂപ.
2018 ലെ നിയമസഭാ തെരഞ്ഞെടുപ്പിന് പിന്നാലെ കോണ്ഗ്രസ് അധികാരത്തില് വന്നതിന് ശേഷം ഭൂപേഷ് ബാഗേല് സര്ക്കാര് ഈ പദ്ധതികളെല്ലാം ആരംഭിച്ചു. ഇന്ത്യയിലുടനീളം ഞങ്ങള് ആവര്ത്തിക്കാന് പോകുന്ന മാതൃകയാണിതെന്നും രാഹുൽ കൂട്ടി ചേർത്തു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.